Tus Tswv Qhia nyob Phnom Penh tu siab txog qhov ‘tsheb nrau tsoom pej xeem Khas Phus Chas tej vaj tse’. Tab txawm muaj kev sib cog tso tseg kev sib tua lawm
Tab txawm tias muaj kev sib cog lus hais txog tso tseg kev sib tua hauv hnub tim 27 lub 12 hli tag los, tsis kav kev chim siab tseem muaj nyob raws Thaib thiab Khas Phus Chas ciam teb. Tswv Qhia Olivier Schmitthaeusler tsis txaus siab rau qhov ntiaj teb tsis quav ntsej txog tsoom pej xeem kev kub ntxhov. Nws hais txog kev cheb ntxuav, kev tsiv teb tsaws chaw thiab kev siv lub zog tub rog yam tsis xaiv ua. Khas Phus Chas liam tias Thaib txeeb lawv qee thaj av txhaum kev cai. Tab sis Thaib hais txog kev hla txoj cai hauv kev sib hais haum tso tseg kev sib tua ntawm Khas Phus Chas thiab hais tias lawv yuav tua pauj.
Tus tswj lub Cheeb Koom Txoos Kas Tos Liv nyob Khas Phus Chas teb hais tias : kev phem, tsov rog thiab kev txom nyem ntawm tsoom pej xeem rov muaj ceem heev zuj zus. Tab sis lub ntiaj teb thiab cov koom haum ntawm cov teb chaws tseem nyob ntsiag to. Yog hais txog cov thaj tsam nyob raws ciam teb hauv Khas Phus Chas teb. Nws hais tias zim txwv no lub ntiaj teb quav ntsej txog lwm yam lawm xwb. Tam sim no cov tub rog Thaib tab tom siv tsheb mus nrau tsoom pej xeem Khas Phus Chas tej vaj tse ua ntus zus ntau kis los mev.
