Tus Tswv Qhia nyob Fis Lis Pees teb thov kom cov neeg ntseeg Kav Tos Liv hloov lawv txoj kev ntseeg mus rau kev nqis tes ua, kom tau txuag hav zoov xyoob ntoo.
Nws hais tias ; kev saib xyuas txhua yam nyob ib puag ncig yog kev ua tawm tseem ceeb ntawm lub neej ua neeg ntseeg. Hauv kev hais txog lub ntsiab lus nruab xyoo ‘dej muaj txoj sia’, Tswv Qhia Cuevas hais tias : “Cov neeg ntseeg phim yuav hla dhau kev lees paub txog teeb meem txhua yam nyob ib puag ncig thiab txuag cov niam dej, txuag hav zoov, txuag tej hauv dej, txuag yam muaj txoj sia nyob nruab nqhuab thiab cov zej zog uas vam txog txhua yam no tiag tiag.” Nws hais tias : “Yog Tswv Ntuj qhov paj tshab muaj nqis uas pub txoj sia kom tau yug peb ib tsoom neeg thiab siv los ua liaj ua teb.” Tswv Qhia hais tias cov niam dej uas tsuas tshuaj, cov dej ntws uas piam sij thiab yam muaj txoj sia nyob hauv hiav txwv yog kev puas tsuaj uas tab tom ua teeb meem rau neeg heev zuj zus. Tswv Qhia Cusvas uas yog tus thawj tswj pab kav xwm fab zej zog ntawm cov Tswv Qhia nyob Fis Lis Pees teb, kuj tau hais txog qhov tseem ceeb hauv kev tuav xam nrog tsoom pej xeem thaum txhua yam kev txhim kho ua teeb meem rau tej poj yawm txwv koob tej av thiab xyoob ntoo nroj tsuag.
Nws hais tias ; qhov yuav txuag txhua yam xws li ; kev xub tso lus kheev thiab tau txais tej ntaub ntawv tsis tsim nyog tso pov tseg. Nws ua piv txwv txog kev tawm tsam khawb qhov ntxhia Mindoro Nickel uas muab los hais, kom pom txog kev muab siab rau ntawm cov neeg nyob txum tim, cov neeg zej zog, cov sawv cev lub Koom Txoos thiab cov tub tseem hwv hauv kev txuag txhua yam nyob ib puag ncig thiab cov neeg zej zog lub neej. Tswv Qhia kuj ntxhov siab hais txog kev khawb ntxhia uas yuav ua teeb meem rau lub zog dawb huv nyob thoob ntiaj teb. Nws thov kom maj mam daws teeb meem txhua yam nyob ib puag ncig, uas yog qhov teeb meem tshiab ua kev piam sij rau yam muaj txoj sia. Nws hais raws li Vaj Qhia Fas Ntshis Kus cov lus. Tswv Qhia Cusvas hais tias : “Kev txhim kho thaum kawg phim yuav tau txais kev txiav txim tias ; nws puas pab kho tib neeg lub neej thiab puas yuav ua kom lub ntiaj teb zoo tuaj ?” Nws thov kom cov neeg ntseeg Kav Tos Liv kom saib kev txuag txhua yam nyob ib puag ncig yog qhov tseem ceeb hauv kev ua tawm txog kev ntseeg thiab yog kev saib xyuas ntawm sawv daws ntiag tug.
