Tus Tswv Qhia Fis Lis Pees thov kom muaj “kev ua hauj lwm ua ke ntev mus”, kom tau tiv kev nyiag noj nyiaj thiab hloov kev pauv ntxeev hauv zej zog

Ib tug Txiv Plig Fis Lis Pees hais tias : kev tiv kev nyiag noj nyiaj tsis yog tag nyob hauv kev tawm tsam ib hnub xwb. Tab sis yog taij thov kom “muaj kev muab siab rau thiab tiv ntev mus, kom muaj kev ncaj ncees thiab kev lees txais qhov yuam kev.” Hauv tsab ntawv sau mus rau Txiv Plig uas tawm tom qab kev tawm tsam thoob teb chaws hnub tim 21 lub 9 hlis no, Tswv Qhia hais tias : “Cov neeg Fis Lis Pees tsim nyog yuav tau txais yam zoo dua no los ntawm tseem hwv.” Nws hais ntxiv tias : “Cov pej xeem tsis txhob nyob ntsiag to thiab txhob ntshai hais txog qhov tseeb.”

“Peb yuav taij thov kev lees txais ntawm cov tseem ua nom”. Alminaza uas nws tseem ua tus thawj coj ntawm Caritas Fis Lis Pees thiab tus Txiv Plig hais tias : 

“Lub suab taij thov kev ncaj ncees yuav tsum nrov thoob txhua lub tsev teev Ntuj, txhua yim neeg, txhua lub Koom Haum thiab ntawm tej tshav puam.” Nws hais ib lo lus piv txoj lus tias : “Ntes tub sab kaw nkuaj, tsis yog lub suab qw xwb. Tab sis yog cov neeg pluag txom nyem thiab cov raug nyiag noj nyiaj lub suab hu.”