Tus thawj coj kev ntseeg tos txais kev sib koom tes thiab ntau yam hauv lub rooj sab laj ntawm cov kev teev hawm nyob hauv lub nroog Galle
Lub yeej txhim kho zej zog thiab kev lag luam hauv lub Cheeb Koom Txoos Galle, uas nyob Xis Laas Kas qab teb ua tswv cuab npaj lub rooj sab laj ntawm cov kev teev hawm txheej siab rau hnub tim 20 lub 1 hlis 2026. Kom tau txhawb nqa kev thaj yeeb thiab kev sib haum xeeb hauv kev sib tham thiab kev sib pauv tswv yim. Lub ntsiab lus hauv lub rooj sab laj yog “kev thaj yeeb thiab kev sib haum xeeb hauv kev sib tham thiab kev sib pauv tswv yim ntawm cov kev teev hawm.”
Muaj Tswv Qhia Raymond Wickramasinghe nyob Galle ua tus coj lub rooj sab laj. Lub rooj sab laj tsa nyob hauv lub tsev kawm ntawv, hauv lub yeej txhim kho zej zog thiab kev lag luam. Tau caw cov thawj coj Phus Thas, cov thawj coj kev ntseeg, cov Islam thiab cov His Ntus tuaj sib ntsib ua ke. Hauv lub rooj sab laj yog hais txog cov hauj lwm tseem ceeb ntawm cov thawj coj, hauv kev txhawb nqa kev sib haum xeeb nyob hauv lub teb chaws. Hauv kev sam hwm thiab kev muab siab rau ua ke ntawm neeg lub meej mom. Kev sib ntsib zaum no yog qhov chaw rau sawv daws qhib siab sib tham, muaj kev sib koom tes thiab muab siab rau yuav ua hauj lwm ua ke, kom zej zog tau zoo ua lub neej nyob.
