Tswv Qhia Zuppi mus tsham Mos Xaws Kos Vas, nws yog tus sawv Vaj Qhia cev nrhiav kev thaj yeeb nyob Us Khas Zis Nas teb
Tswv Qhia Zuppi nyob Is Tas Lias teb tau mus tsham Mos Xaws Kos Vas uas nws yog tus sawv cev ntawm Vaj Qhia hais txog nrhiav kev thaj yeeb los yog tsim kev thaj yeeb nyob Us Khas Zis Nas, thiab nws yog tus sau cov me nyuam Us Khas Zis Nas thiab cov tsev neeg hauv kev sib pauv.
Tswv Qhia Zuppi tau mus tsham Mos Xaws Kos Vas zaum tim ob, uas yog lub tuam ceeb nyob Lav Xias teb. Vaj Qhia teeb tsa Tswv Qhia Zuppi uas yog tus Tswv Qhia nyob Bologna thiab nws yog tus thawj coj hauv lub rooj sab laj cov Tswv Qhia nyob Is Tas Lias, thiab nws Vas Tis Kas tus tiam lis mus tsham ntau qhov chaw nyob hauv lub 6 hli xyoo 2023 uas yog tsaib no.
Tswv Qhia Zuppi yuav tau ntsib cov nom Lav Xias thiab sib tham txog kev muab siab rau daws tso cov me nyuam Us Khas Zis Nas thiab tsev neeg uas raug ntes, kom tau sib pauv xws li cov neeg raug txim nyob hauv kev thaj yeeb, thiab xav tias txhua yam yuav zoo tuaj. Tswv Qhia Zuppi pib cov hauj lwm tsim kev thaj yeeb nyob Us Khas Zis Nas teb hnub tim 5-6 lub 6 hli 2023, nws tau ntsib tus Txoov Tim Tswv Volodymyr Zelensky thiab cov nom loj coob leej. Tom qab ntawd Tswv Qhia mus tsham Lav Xias teb hnub tim 28-30 lub 6 hli xyoo 2023, nws tau ntsib tus Tswv Qhia Os Thos Dos Patriarch Kirill thiab cov nom tswv huv si.
Hnub tim 17-19 lub 7 hli 2023, nws tau mus tsham lub tuam ceeb Washington D.C thiab tau ntsib tus Txoov Tim Tswv Joe Biden thiab cev Vaj Qhia Fas Ntshis Kus tsab ntawv rau. Dhau nov lawm Tswv Qhia Zuppi tseem mus tsham Pej Ceeb hnub tim 13-15 lub 9 hlis xyoo 2023. Nws tau ntsib Li Hui uas yog tus nom sawv cev ntawm cov tseem hwv Suav fab hais txog cov hauj lwm nyob Us Khas Zis Nas teb hauv lub pwm tsav txawv teb chaws
