Tswv Qhia Tagle txhib cov tub tshaj Ntuj Lus Online nyob As Xias hauv kev sau siab thawj zaug tias : “Cia Yes Xus ua tus muaj hwj chim rau koj lub neej.”
Cov lus nyob hauv cov xyam uas tso tawm hauv kev sau siab cov tub tshaj Ntuj Lus Kav Tos Liv Online nyob As Xias thawj zaug, hnub tim 10 lub 9 hlis nyob hauv Vaj Qhia Zam Paj Lug Ob kem tsev sab laj, nyob Quezon City. Tswv Qhia Tagle hais rau 100 tawm tus neeg uas nyob As Xias teb tuaj tias : “Tus muaj hwj chim rau lwm tus ntawd, ntawm lawv kiag raug hov los ntawm tib neeg thiab lawv tej kev paub yav tag los. Kev muaj hwj chim rau lwm tus hauv kev ua zoo ntawd, yog qhov zoo. Tshwj xeeb tshaj kom tau ua pov thawj txog Yes Xus.”
Kev sau siab uas tsa nyob hauv hnub tim 10-13 lub 9 hlis, hauv lub ntsiab lus “Ntawm tus muaj hwj chim mus txog kev ua pov thawj. Txoj kev ntawm Synodal rau cov hauj lwm Online nyob As Xias.” Kev sau siab no tau coj tas ib tsoom neeg nyob Online los ua cov hauj lwm tshaj lub Moo Zoo ntawm lub Koom Txoos As Xias nyob hauv digital. Tswv Qhia Tagle hais tias : “Niaj hnub no ib tsoom neeg tau txais lub hwj chim hauv ntau yam thiab txhim kom cov tub tshaj Ntuj Lus Online muab siab rau txog lub hwj chim uas yug lawv lub neej. Nws hais tias : “Kuv xa cov lus thov Ntuj tuaj rau nej cov tub tshaj Ntuj Lus Online zoo nyiad. Thov nej xav txog qee yam thiab tus neeg muaj hwj chim rau nej.” Nws hais tias lub hwj chim tsis yog pib los ntawm tus neeg muaj hwj chim rau lwm tus. Tus muaj hwj chim rau txhua tus xub tau txais lub hwj chim los dua lwm tus. Hais txog cov tub tshaj Ntuj Lus Online ntawm cov neeg ntseeg, mas nws hais tias : “Yes Xus yog qhov nruab nrab ntawm lub hwj chim ntawd.” Nws hais ntxiv tias : “Peb thov Ntuj kom nej cia Yes Xus lub zog hauv ntawv Moo Zoo thiab ntawm Leej Ntuj Plig Ntshiab muaj hwj chim rau nej lub neej thiab nej txoj kev xav.” Cov tub tshaj Ntuj Lus nyob Online yuav ua pov thawj tseeb tiag rau lwm tus tau, yog thaum lawv tau kov lub hwj chim hauv Yes Xus kev pauv ntxeev kiag ntawm lawv tes. Thaum koj tau kov kev pauv ntxeev lub neej ntawm Yes Xus lawm, koj yuav ua pov thawj tseeb tiag thiab ruaj siab rau lwm tus hauv yam uas peb tau txais lub hwj chim. Tswv Qhia tau txhawb cov sawv cev kom nrog Yes Xus sib raug zoo ruaj khov los ntawm kev thov Ntuj thiab kev kawm kom paub. Li ntawd yuav thov Ntuj thiab muab siab rau kawm kom paub, nrog rau cov uas tab tom nrhiav phooj ywg thiab tus piv txwv zoo hauv kev ua lub neej kom tig los cuag Yes Xus.
Tswv Qhia Tagle kuj thov kom cov tub tshaj Ntuj Lus Online faib lawv qhov pom kev uas tau txais los ntawm Yes Xus, zoo dua khaws cia ib leeg. Nws hais tias : “Thov cia Yes Xus thiab nws qhov pom kev ci tawm los, kom ua tus tsim lub hwj chim zoo nyob hauv Yes Xus lub npe.” Cov hauj lwm no txhais tau tias yog kev pib hauv kev sab laj, uas sau tas cov sau siab hauv ntau lub teb chaws, ntau txoj kab lis kev cai nyob As Xias tuaj txais kev qhuab qhia, sib tuav xam, sib pauv tswv yim thiab sib koom tshaj lub Moo Zoos nyob hauv Online. Nws hais cov lus xaus hauv kev thov Ntuj, kom cov tuaj sib koom sau siab thiab sib koom sab laj zaum no. Thov Tswv Ntuj foom hmoov zoo rau txhua tus neeg thiab lawv txoj kev sau siab.
