Xov Xwm Koom Txoos

Tswv Qhia Tagle hais tias “Peb tab tom tawm rooj mus rau Tswv Ntuj yav tom ntej, uas muaj Yes Xus nyob ntawd tos peb”

Default User Image
By Hmong Service, 01 December, 2025
Tswv Qhia Liab Tas Nkes coj lub Txoos Txi Ntuj nyob hauv luab Tuam Tsev Teev Ntuj me Leej Ntshiab As Nas nyob Pis Naas, Mas Les Xias teb.

Hnub 3 uas yog hnub tim 29 lub 11 hlis ntawm kev tawm rooj hauv kev cia siab, uas tab tom ua nyob Penang, hauv Mas Les Xias teb. Muaj lub thaj txi Ntuj nyob hauv lub tsev teev Ntuj hwm Leej Ntshiab As Nas uas nto npe. Yog tib lub thaj txi Ntuj nyob hauv kev tawm rooj uas qhib rau ib tsoom neeg tuaj koom.

Tswv Qhia Tagle ua tus coj lub Txoos. Muaj Tswv Qhia Christopher Prowse nyob Canberra thiab Goulburn, hauv Is Tas Lias teb. Tswv Qhia Fas Ntshis Kus uas yog tus Tswv Qhia nyob Penang. Tswv Qhia Charles Maung ntawm SDB, uas yog tus Tswv Qhia nyob Yaas Nkoos thiab tus qub thawj tswj FABC. Tswv Qhia Ferrao uas nws yog tus Tswv Qhia nyob Goa thiab Daman. Tus thawj tswj FABC thiab CCBI thiab Pablo Virgilio S. Tswv Qhia David uas yog tus Tswv Qhia nyob Kalookan hauv teb chaws Fis Lis Pees sib koom ua lub Txoos.

Hauv lub thaj txi Ntuj li hais no, muaj 900 tus neeg thiab cov neeg ntseeg hauv lub Cheeb Koom Txoos Penang 500 tawm leej tuaj sib koom ua ke. Kev hais lus rau cov neeg tuaj sib koom ua thaj txi Ntuj, muaj tshaj 1,500 leej nyob hauv lub tsev teev Ntuj ntshiab. Tswv Qhia Tagle hais tias “Peb cav txog Tswv Ntuj lub txiaj ntsim thiab ua tsaug rau cov tuaj nrog peb sib koom ua ib pab, ua ib tsev neeg hauv tib txoj kev ntseeg. Peb raug hu ua pab neeg fiv Ntuj txog yav tom ntej, uas yog peb txoj kev cia siab.”

Nws hais rau cov tuaj sib koom tias ; tab txawm xyoo 2033 yuav yog hnub txwm 2,000 xyoo ntawm lub Caij Hla, tsis kav nws tsis yog lub hom phiaj kawg. “Xyoo 2033 tsuas yog raug teeb tseg ua hnub txwm lub xyoo xwb.” Qhov tseeb tiag yog peb tab tom tawm rooj mus rau Tswv Ntuj yav tom ntej, thiab muaj Yes Xus nyob ntawd tos peb.

Thaum xav txog tus Yaj Saub Das Nias thiab cov zaj hauv Ntawv Ntshiab hais txog cov Hauv Paus Xa Lus txoj kev mus rau Es Mas Ws. Tswv Qhia hais tias tej kev ntxhov, kev tsis muaj qhov ruaj khov thiab kev nkag siab uas raug teeb cia ua ib feem ntawm kev tawm rooj hauv fab ntsuj plig. Tsis hais tus muaj tswv yim thiab muaj kev ntseeg,  lawv kuj tseem muaj kev txhawj xeeb thiab.

“Peb sib sau ua ib pab nyob hauv cov neeg tsis meej pem thiab tsis paub dab tsi. Tswv Qhia hais lus mos lus muag ib yam li Das Nias. Peb thov kom Tswv Ntuj pub qhov pom kev thiab thov Tswv Ntuj tso Yes Xus tuaj nyob hauv peb txoj kev tsis meej pem. Kom nws nthuav Ntawv Ntshiab thiab lov ncuav mov pub rau peb.”

Tswv Qhia Tagle hais tias ; tej kev ntshai uas phem tshaj plaws rau fab ntsuj plig yav tom ntej thiab zim txwv no, yog kev tsis meej pem, kev txhawj xeeb thiab nrhiav kev tsis meej pem nyob ntiaj teb. Yes Xus qhia cov neeg ntseeg tias ‘thov kom peb ceev faj, yog ceev faj txog tus kheej.’ Tswv Qhia hais ntxiv tias : “Yog tsis muaj yav tom ntej hais txog lub neej tom ntej, mas peb yuav tsis tawm rooj li tam sim no.”

Nws txhib kom cov tuaj koom sau siab, muab siab rau teev Ntuj thiab ua tub txib. Tshwj xeeb tshaj yog ua rau cov neeg raug tso tseg thiab cov tab tom raug kev txom nyem. “Thaum peb tawm rooj nrog cov neeg tshaib nqhis, cov neeg txawv ntsej muag thiab cov raug txim, mas tus Yes Xus nyob hauv lawv tau coj peb mus txog Leej Txiv lub ceeb tsheej lawm. Tus Yes Xus uas yug nyob hauv cov neeg pluag, yog tib tug Yes Xus uas nyob tos txais peb.”

Hnub tim 29 lub 11 hlis 2025 no, Tswv Qhia Tagle ua lub thaj txi Ntuj nyob hauv lub tsev teev Ntuj me hwm Leej Ntshiab As Nas, hauv lub Cheeb Koom Txoos Penang, nyob Mas Les Xias teb.

Ib nqe lus tseem ceeb tshaj hauv hmo no, ua kom pom txog qhov tseem ceeb hauv kev fiv Ntuj ntawm cov neeg ntseeg. “Yes Xus tsis yog peb tus phooj ywg hauv kev tawm rooj xwb, nws tseem yog peb lub hom phiaj thiab.”

Tswv Qhia Tagle txhib kom cov neeg ntseeg muaj cuab kav ua tawm txog txoj kev cia siab no. “Thaum muaj neeg nug koj tias : ‘Koj tab tom mus qhov twg ?’ Mas koj yuav teb tias : ‘Kuv mus cuag Tswv Ntuj uas yog Leej Txiv.’ Yog tias lawv poob siab, mas koj yuav caw kom lawv nrog koj mus.”

Tswv Qhia xaus rau zaj hais txog As Nas uas yog ib tug poj niam tus txiv tab tom yuav tuag. Qhov kawg nws tawm hauv nws kem tsev mus, kom tau Yes Xus thiab tau nws tus txiv. Nws zoo siab nyob hauv lub caij kawg ntawd. Tswv Qhia piav tias : “Nov yog kev cia siab ntawm cov neeg ntseeg. Yog kev tso siab rau Tswv Ntuj tus uas tos txais peb sawv daws.” Txhob ntshai ! Nws hais nyob hauv lub rooj sau siab tias : “Yes Xus, peb tus tij laug uas tab tom nyob tos. Nws yog tus tij laug tseeb tiag.”

Thaum yuav tsaus ntuj yog pib cav txog Tswv Ntuj lub txiaj ntsim puv npo. Thaum pab tub hu nkauj The Rexband coj lub rooj sau siab hu nkauj qhib lub Txoos uas yog 20.20 teev. Tswv Qhia Christopher Prowse, uas nws yog tus thawj tswj pab kav xwm hauv kev tshaj lub Moo Zoo, hauv cov neeg ntseeg thiab cov hauj lwm. Tau hais cov lus muaj lub ntsiab tias : “Thov ua cov neeg fiv Ntuj hauv kev cia siab.”

Thaum 20.40 teev, tas sawv daws tau txais lub zog los ntawm kev hu nkauj uas yog Txiv Plig Rob Galea uas yog tus Txiv Plig nyob Australia. Nws yog tus kws sau, tus tub hu nkauj thiab yog tus neeg sau nkauj nto npe nyob thoob ntiaj teb. Nws tawm 8 thom nkauj lawm, nws yog tus teeb tsa thiab yog tus thawj tswj kev ua hauj lwm ntawm ICON Ministry.