Tswv Qhia Maralit hais tias : “Kev sib sau ntawm FABC, yog npaj cov hauj lwm muaj qab muaj quag hauv lub pwm tsav los yog Synodal coj los siv nyob As Xias.”

Hauv kev qhib lub rooj sab laj hnub tim 20 lub 7 hli, Tswv Qhia Maralit tshaj tawm raws txoj cai hauv lub rooj sab laj tias : “Kev sib sau zaum no nws muaj tshaj cov Tswv Qhia lub rooj sab laj, nws yog lub sij hawm tseem ceeb rau lub Koom Txoos As Xias tau thov Ntuj ua ke, sib mloog ua ke, tuav xam ua ke txog lub Cim ntawm txheej neeg tshiab thiab nrhiav lub tswv yim tshiab hauv kev tshaj lub Moo Zoo.”

Nws hais tias : “Lub rooj sab laj zaum no yog txuas los ntawm zaum tag los, nrog rau FABC lub rooj sab laj loj txwm 50 xyoo ntawm tsab ntawv Bangkok. Yog tsab ntawv kawg ntawm lub rooj sab laj Synodal hauv lub xyoo kev cia siab thiab pib tiam ua Vaj Qhia ntawm Leo 14. Hauv lub rooj sab laj ib lub lis piam no, raug tawm tus qauv kom yog ‘Synodal tej kev ua tseeb tiag, uas taw mus rau kev thov Ntuj, kev mloog, kev txhib fab ntsuj plig thiab kev tuav xam ua ke.”

Tswv Qhia Maralit hais tias : “Ib yam tseem ceeb uas tau txais yog ob tsab ntawv, xws li tsab ntawv kawg uas qhia txog Synodal cov hauj lwm nyob As Xias rau cov tsev teev Ntuj hauv zej zog, thiab tsab ntawv uas xa mus rau lub Koom Txoos As Xias, kom txhib cov neeg ntseeg ua raws lub pwm tsav los yog Synodal ntxiv mus.

Qhov zoo ntawm lub rooj sab laj zaum no, yog Tswv Qhia Oswald Glacias ua tus sawv cev Vaj Qhia Leo 14. Hnub ntawm kev nco txog uas yog Tswv Qhia Tagle ua tus coj, kev qhuab qhia tshwj xeeb ntawm Tswv Qhia Mario Grech thiab Vaj Qhia Leo 14 cov lus nyob hauv Video. Kev sab laj yuav xaus rau lub thaj txi Ntuj nyob hauv lub tuam tsev teev Ntuj Jakarta, nrog rau kev mus tsham cov Islam lub tsev teev Ntuj Istaqlal uas yog chaws lub qhov av hauv kev phooj ywg mus. Yog lub Cim ntawm lub Koom Txoos kev muab siab rau txhawb nqa kev sib haum xeeb nrog cov kev teev hawm thiab kev tuam choj txuas nrog kev sib raug zoo nyob As Xias.

Tswv Qhia Maralit hais tias : “Peb vam tias lub rooj sab laj zaum no, yuav tsim pov thawj ntawm lub Koom Txoos hais txog kev sib koom ua ib tug, kev muaj feem cuam thiab kev tshaj lub Moo Zoo. Nrog rau lub zog txhawb siab kom cov Kav Tos Liv nyob thoob As Xias yog tus choj thiab ua tus tuam choj.”