Tswv Qhia Liab Ignatius Suharyo : Tus kws kes duab vaj tse ntawm cov neeg Kav Tos Liv nyob ntsiag to nyob Is Ntos Nes Xias teb
Tswv Qhia Ignatius Suharyo yog tus neeg hais lus mos, txawj xav tom ntej tom qab thiab muaj kev ntseeg zoo. Nws hloov lub Cheeb Koom Txoos Jakarta kom ua tus piv txwv ntawm cov neeg ntseeg Kav Tos Liv nyob Is Ntos Nes Xias teb ntsiag ntsiag. Tswv Qhia Ignatius Suharyo muaj 74 xyoos. Tus neeg no nws paub txog kev hais lus mos ua neeg me thiab muab siab rau txog kev ncaj ncees hauv zej zog. Nws tau txhib txog cov thawj coj neeg ntseeg yav tom ntej kom lawv nyob ruaj hauv kev khuv leej, kev paub lees txais qhov phem qhov zoo thiab kev sib koom tes kom ntev ntev. Tus yam ntxwv hauv kev ua ib tug thawj coj fab kev ntseeg ntawm Tswv Qhia Ignatius Suharyo, yog kev taij thov yam tsis tu ncua, kom pom txog kev khuv leej uas nws qhia rau cov neeg ntseeg Kav Tos Liv nyob Is Ntos Nes Xias, kom lawv txawj nco txog qhov tsim nyob hauv kev ncaj ncees thiab zej zog. Nws cov lus yooj yooj yim, yog kev ntseeg txhais los ua kev nqis tes ua.
Lo lus ‘kev ntseeg, kev ua kwv ua tij, kev khuv leej’, yog ib qho nws coj rawv thiab tshaj lij ntawm nws. Thiab qhov kawg raug muab los siv ua lub ntsiab lus hais nyob hauv Vaj Qhia Fas Ntshis Kus kev mus tsham As Xias teb thiab Os Tses Nias teb xyoo 2024.
