Tswv Qhia Ferrao hais tias : “Tej kev txhawj xeeb nyob As Xias yog qhov txhawb nqa lub Koom Txoos cov hauj lwm hauv kev sib tham.”
lub 7 hli no tias : “Tej kev txhawj xeeb uas cov neeg ntseeg nyob As Xias kheev kheev
raug, yog qhov ua kom lub Koom Txoos muab siab rau txhab kev sib tham thiab kev sib
haum xeeb, tsis yog yuav ua kom tsuag dua qub.” Thaum teb cov lus nug hais txog cov
neeg ntseeg uas nyob ua tej pab pawg me me hauv ntau qhov chaw nyob As Xias, mas
tus thawj tswj ntawm FABC hais tias : “Lub Koom Txoos ib txwm ua nws cov hauj lwm
hauv tej kev nyuab siab ua ntu zus los, thiab yog qhov tsim nyog.
Tsis yog los ntawm
kev ntshai los kev sib tawg, tab sis yog los ntawm kev sib haum xeeb thiab kev sib
tham.” Tus Tswv Qhia nyob Goa thiab nyob Daman hais tias : “Vim li no lub Koom
Txoos thiaj ua tus tsim kev sib raug zoo, kev sib tham thiab txhawb nqa kev sib haum
xeeb.” Nws hais tias : “Kev sib txawv ntawm cov kev teev hawm, tej kab lis kev cai,
xeem lus thiab cov haiv neeg nyob As Xias, thiaj ua kom lub Koom Txoos nthuav dav
thiab tuam choj txuas nrog ib tsoom neeg uas muaj kev ntseeg, muaj kab lis kev cai sib
txawv thiab cov uas lawv ua xyem xyav txog lub Koom Txoos.”
Nws cov lus hais ua kom pom txog lub ntsiab lus hauv lub rooj sab laj uas hais tias :
“Kev nqua hu kom muaj kev pauv ntxeev raws lub pwm tsav thiab cov hauj lwm ua tus
choj thiab ua tus tuam choj nyob As Xias” Lub rooj sab laj ib lis piam nyob Jakarta, tau
sau tas cov Tswv Qhia Liab, cov Tswv Qhia thiab cov sawv cev neeg ntseeg tshaj 120
leej tuaj ua ke, kom tau tuav xam txog kev txhawb nqa Synodal thiab lub Koom Txoos
cov hauj lwm nyob hauv xeev ntuj.
Tswv Qhia Ferrao hais tias : “Qhov txaus ntseeg ntawm lub Koom Txoos As Xias no,
yog nyob nruab nrab hauv ib tsoom neeg. Yog txhawb nqa kev sib nkag siab, kev sib
haum xeeb thiab yog tus choj hauv kev cia siab ntawm cov zej zog uas muaj ntau yam
sib txawv.”
