Tswv Qhia Chow pom tias kev txuas caij nyoog ntawm Vas Tis Kas thiab tseem hwv Suav, yog kev tshais ruam mus tom ntej
Tswv Qhia Chow uas nws yog tus Tswv Qhia nyob Hooj Koos hais txog kev txuas caij nyoog ntawm Suav uas yuav tsa Vas Tis Kas tus Tswv Qhia tias : “Yog kev tshais ruam mus tom ntej.” Raws kev tshaj tawm ntawm Sunday Examiner, uas yog lub Website xov xwm ntawm tseem hwv Suav nyob Hooj Koos. Tswv Qhia Chow ntsia pom tias muaj kev ua ntau yam, thiab nws txhib hais tias “kev cog lus no tsis ruaj khov” nyob hauv cov tub xov xwm tej lus nug. Kev sib cog lus no nws cov lus nyob hauv xyoo 2018 thiab rov txuas hnub nyoog rau xyoo 2020 thiab 2022. Tso cai rau tas cov Tswv Qhia nyob Suav av loj mus koom lub Cim Yug nrog Vaj Qhia, kom tau txhawb nqa kev sib tham thiab nws mus tau qeeb dua qhov Vas Tis Kas xav tseg.
Tswv Qhia Chow uas nws tau mus koom lub rooj sab laj Synod nyob Los Mas lub 10 hli tag los, nws hais tias : kev sib cog lus li no yog lub Cim ntawm kev sib cog lus tob dua ntxiv ntawm Vas Tis Kas thiab tseem hwv Suav. Tab txawm Vas Tis Kas tsis tau nthuav tawm txhua yam ntxaws nyob hauv kev daws kho, tsis kav cov ntawv xov xwm tshaj tias : “Tej zaum yuav muaj kev pauv ntxeev qee yam uas Vas Tis Kas tau taij thov tag los thiab.” Hauv kev sib tham raws tseem hwv txoj cai, Vas Tis Kas txhib hais txog kev muab siab rau hauv kev sib tham thiab txhim kho nrog Suav. Vam tias yuav tshab kev sib raug zoo ntawm lub Koom Txoos Kav Tos Liv thiab tsoom pej xeem Suav.
