Thaib qab teb tos txais thawj tus Txiv Plig Lahu mus tshaj Ntuj Lus rau cov haiv neeg tsawg.

Cov kab ke tos txais ntawm cov neeg ntseeg Kav Tos Liv tus Khuv Leej. Lawv nquam tej kab ke Lahu qub qub thiab dhia seev cev, mus xaus rau lub thaj txi Ntuj uas yog Txiv Plig Pirun ua tus coj lub Txoos. Hauv lub thaj txi Ntuj tseem muaj kev hwm 8 tus Tim Khawv Thaib cov pob txha thiab. Kuj muaj cov Txiv Plig laus hauv lub Cheeb Koom Txoos Surat Thani tuaj koom thiab.

Kev teeb tsa Txiv Plig Pirun yog qhov tseem ceeb thiab tshwj xeeb rau cov neeg Lahu. Cov neeg Lahu yog tsiv ntawm Thaib qaum teb mus nyob hauv Npes Toos tau ntau caum xyoo hauv kev ntseeg xyaw zej zog. Tus sawv cev cov neeg Lahu tau hais lus tos txais Txiv Plig Pirun. Nws hais tias Txiv Plig yog lub Cim hauv kev cia siab ntawm lub Moo Zoo uas tab tom hlob zuj zus nyob hauv lub Koom Txoos uas muaj cov haiv neeg tsawg nyob Thaib qab teb. Txiv Plig Pirun yuav pab txhawb nqa kev ruaj khov rau tej chaw ntshiab hauv kev khuv leej, nyob hauv lub Cheeb Koom Txoos Surat Thani.

Yog cov hauj lwm tshaj lub Moo Zoo uas ua rau cov haiv neeg tsawg nyob qaum teb, xws li Lahu, Hmoob, Akha, Kachin thiab Chan, tab sis lawv tau tsiv los ua lub neej nyob Thaib qab teb lawm. Qhov chaw ntshiab no tau rais ua qhov chaw nruab nrab ntawm kev pe hawm hauv kev ua lub neej nrog zej zog, thiab txhim kho fab ntsuj plig. Ua ke ntawd kuj ua rau cov neeg Kav Tos Liv tawm rooj fiv Ntuj nyob Mas Les Xias teb tuaj tsham xyuas thiab. Cov thawj coj lub Koom Txoos hais tias :

“Kev ua hauj lwm ntawm Txiv Plig Pirun, ua kom pom txog kev muab siab rau ntawm lub Koom Txoos hauv kev txhawb nqa zej zog. Txhawb nqa kev sib tham ntau dua tej kab lis kev cai thiab txhawb nqa kev tshaj lub Moo Zoo rau txhua haiv neeg tsawg nyob thoob Thaib qab teb.”