Tab txawm Hanoi nrog Vas Tis Kas sib haum xeeb, tsis kav cov neeg ntseeg Montagnard kuj seem raug ntes ntxiv
Cov neeg ntseeg 11 leeg uas yog cov Plos Tes Taas Degar 6 thiab cov Kav Tos Liv 5 leeg hauv cov neeg Montagnard. Lawv raug ntes thiab twb raug txiav txim dua los lawm, tom qab lawv raug tso tawm nkuaj, mas lawv cia li ploj lawm. Lawv raug liam lub txim tias : “Koom ua cov kab ke teev Ntuj thiab zwm rau kev ntseeg.” Kev ntxhov siab hais txog tej kev caij tsuj no tseem muaj nyob tsis tseg, tab txawm muaj kev tshaj txog cov tsev teev Ntuj thiab Vas Tis Kas sib haum xeeb kuj xij.
Kev raug hiam raug caij tsuj ntawm cov haiv neeg tsawg thiab cov kev teev hawm hauv haiv neeg Montagnard, lawv raug Hanoi iab hiam txij xyoo 1970 los lawm. Txoj kev iab hiam ntawd rov los poob rau Hanoi ib zaug ntxiv. Ib ntu sij hawm ntev kawg nkaus hauv kev ntxhov siab hais txog 11 tus neeg ntseeg uas lawv raug kaw nkuaj, vim lawv txoj kev ntseeg. Tsis muaj xov xwm dab tsi hais txog lawv ntxiv mus thiab saib zoo li lawv cia ploj mus nrog huab cua lawm.
International Christian Concern (ICC) nyob Washington tshaj tias : pab neeg li hais no, muaj cov Plos Tes Taas 6 leej thiab cov Kav Tos Liv 5 leeg. Lawv raug txiav txim kaw nkuaj xyoo 2011 txog 2016, yog 90 xyoo thiab 8 lub hlis. Tam sim no muaj cov neeg Montagnard ze 90 leej raug kaw nkuaj, thiab raug tso tawm nkuaj raws li txoj cai pej xeem ntawm lawv.
