Kuv muaj caij tau ntsib tus qub Txoov Tim Tswv Jimmy Carter thiab nws poj niam ntau zaus thaum lub caij kuv ua tus thawj tswj lub Koom Haum Habitat for Humanity Thailand, thiab ua tub kav xwm hauv lub Koom Haum Habitat for Humanity Internetional. Peb kheev kheev sib ntsib nyob hauv txhua yam kev tsim tawm los ntawm As Mes Lis Kas teb. Tab sis muaj ib yam uas peb tsis hnov qab yog qhov peb tau mus saib lub nroog Chiangmai hauv lub 11 hlis xyoo 2009.
Tus Txoov Tim Tswv Carter thiab nws tsev neeg lawv tau sib koom txhim 82 lub tsev pub rau cov neeg tsis muaj tsev nyob. Kom tau nco txog vaj ntxwv Thaib tim 9 lub hnub nyoog txwm 82 xyoos. Lawv tau mus ua ke nrog 2,000 tus neeg nyob thoob ntiaj teb. Ua rau muaj kev sib koom tes thiab kev khuv leej los txhawb dej siab zoo kawg.
Kuv pom tias tau ntsej muag kawg uas kuv tau so ua ke ib lis piam nrog Carter tsev neeg hauv ib txheej tsev, hauv kev txhim vaj tse. Kev saib xyuas kev ruaj ntseg kuj yog nruj kawg. Muaj cov neeg saib xyuas kev ruaj ntseg ntawm Carter tus kheej zov zoo heev. Tus qub Txoov Tim Tswv uas nws yog tus tiam lis As Mes Lis Kas nyob Thaib teb, thiab cov tseem hwv Thaib koom ua hauj lwm mus tau zoo heev. Tab txawm zoo li no, tsis kav kev ua neeg me tsis muab hlob thiab kev sov siab ntawm tus qub Txoov Tim Tswv Carter kuj qhia tawm lub sij hawm peb noj mov ua ke ib hnub 3 pluag mus tas ib lis piam.
Kuv nco tau tias thawj hnub ntawm nws, mas yog ua luam dej hauv lub pas dej da ua ntej nws yuav ua cov hauj lwm niaj hnub. Tus Txoov Tim Tswv Carter yog ib tug neeg raws sij hawm tiag tiag. Nws tawm nrog nws tsev neeg txhua txhua hnub raws lub sij hawm mus rau qhov chaw txhim vaj tse. Nws thiab Rosalynn uas yog nws poj niam nkawd npaj siab yuav txhim ib lub tsev ua ke, cia ua qhov chaw so raws lub caij teem tseg.
