Is Ntos Nes Xias teb npaj tos txais cov thawj coj Kav Tos Liv nyob thoob As Xias teb, tuaj koom lub rooj sab laj loj ntawm cov Tswv Qhia As Xias (FABC).
Hauv kev sab laj tuav xam hnub tim 7 lub 7 hli no, tus pwm tsav fab kev teev hawm Nasaruddin Umar hais tias ; kev nyab xeeb, kev siv yam ub yam no kom yooj yim thiab kev nyob kaj siab lug ntawm cov qhua tuaj koom, yog thawj yam uas qhov tseem ceeb tshaj plaws. Tseem hwv cov neeg thiab cov kav xwm npaj lub rooj sab laj hauv zej zog tab tom sib tham txog kev soj ntsuam cov neeg nkag teb chaws kom nyab xeeb, kev thauj neeg mus los, kev sib xa xov thiab lwm yam logistics. Kom muaj kev cia siab tias kev sab laj tas ib lub lis piam yuav mus tau zoo thiab muaj kev tso siab.
Cov npaj lub rooj sab laj tseem npaj txhiam xws tos txais cov qhua thiab npaj txhij rau cov sawv cev uas tawm mus qhov twg tsis tau. Yog kev npaj txhij txhua yam hauv kev sib koom tes nrog cov tseem hwv thiab cov zej zog ntawm lub Cheeb Koom Txoos Jakarta thiab lwm cov Koom Haum. Qhov tseem ceeb hauv kev tawm rooj yog qhov tias; tom qab xaus lub thaj txi Ntuj hnub tim 26, cov sawv cev yuav mus tsham lub tsev teev Ntuj Istaqlal nyob Jakarta, uas yog chaws lub qhov av ntawm kev phooj ywg. Tab txawm logistics ntxhov me ntsis vim kev khiav tsheb nyob hauv nroog, tsis kav cov kav xwm npaj lub rooj sab laj xav tias; yuav coj cov neeg tuaj koom chaws lub qhov av ua tej pab tsawg tsawg, kom yog lub Cim kev muab siab rau ntawm Is Ntos Nes Xias kev sib tham nrog cov kev teev hawm thiab kev nyob ua ke yam kaj siab lug.
Lawv muab tej kev paub hauv yav tag los ntawm Vaj Qhia Fas Ntshis Kus txoj kev mus tsham xyoo 2024 los ua. Is Ntos Nes Xias teb vam tias tsis yog yuav npaj kom logistics mus tau zoo xwb, tseem yog hais txog kev tos txais yam sov siab hlo thiab. Kev sab laj zaum no yuav sau tas cov Tswv Qhia thiab cov thawj coj lub Koom Txoos hauv 29 lub teb chaws nyob thoob As Xias, nrog rau cov qhua uas raug caw tuaj ntawm Aws Los Pas, As Mes Lis Kas thiab Africa tuaj.
