Npees Las Des tus thawj Tswv Qhia hais tias : “Tsis muaj lwm txoj kev ntseeg, yog dhau ntawm cov teb chaws nyob sib ze tej kev ntseeg.”
Cov lus nyob hauv cov yeeb yaj duab uas xa mus rau Radio Veritas Asia, mas Npees Las Des tus thawj tswj cov Tswv Qhia hais tias : “Lub ntsiab lus hauv lub rooj sab laj ‘yog kev nqua hu kom muaj kev pauv ntxeev raws lub pwm tsav thiab cov hauj lwm ua tus choj thiab ua tus tuam choj nyob As Xias” ntawd, phim rau xeev ntuj uas muaj hav zoov ntsuab xiab thiab muaj ntau yam kab lis kev cai sib xyaws.
Nws hais tias : “Lub Koom Txoos raug hu kom ua lub Koom Txoos sib koom siab, muaj feem cuam thiab cov hauj lwm uas yog mloog luag tej, ua hauj lwm ua ke thiab tuam choj txuas nrog lwm cov kev ntseeg, tej kab lis kev cai thiab txhua yam kev cai.”
Tswv Qhia D'Cruze hais tawm hauv teb chaws Npees Las Des uas tsoom pej xeem 90 feem pua yog Mawv Xis Lis thiab tsawg dua 1 feem pua yog Kav Tos Liv tias :
“Kev sib tham thiab kev hwm lwm txoj kev teev hawm yog qhov tsim nyog txhawb nqa kev sib nkag siab, kev phooj ywg, kev sib koom tes thiab kev sib haum xeeb.”
Nws hais ntxiv tias : “Lub Koom Txoos raug hu kom xav txog lwm txoj kev ntseeg qhov zoo thiab kev nyob ntawm Leej Ntuj Plig Ntshiab. Lwm txoj kev ntseeg tsis yog qhov txawv rau peb, tab sis yog kev ntseeg txheeb ze peb. Cov neeg ntseeg yuav tsis nyiam cov txheeb ze tas siab tas ntsws, yog tsis hwm lawv txoj kev ntseeg.”
Tswv Qhia ua kom pom txog cov tsev kawm ntawv Kav Tos Liv nyob Npees Las Des teb, vim cov me nyuam kawm ntawv feem coob yog cov teev hawm txoj kev ntseeg. Yog tus piv txwv zoo kawg hauv kev tuam choj txuas nrog kev sib raug zoo, hauv kev txhawb nqa kev phooj ywg thiab kev sib hwm txij thaum hnub nyoog tseem yau.
Thaum xav txog yav tom ntej, mas Tswv Qhia D’Cruze cia siab tias ; FABC lub rooj sab laj yuav txhawb nqa kev sib tham ntawm cov kev teev hawm nyob thoob As Xias, thiab yuav txhawb nqa xeev ntuj no tas mus li, raws tus yam ntxwv nyob ua ke kaj siab lug thiab ua kwv ua tij hauv ntiab teb. Lub rooj sab laj uas FABC npaj nyob hauv lub lis piam no, yuav ua qhov chaw soj ntsuam tias lub Koom Txoos puas yuav txhawb nqa kev sib koom siab, kev muaj feem cuam thiab cov hauj lwm tau li cas. Ua ke ntawd kuj yuav ua hauj lwm raws qhov tseeb ntawm ntau yam kab lis kev cai sib xyaws nyob As Xias.
