Lub Koom Txoos Xis Laas Kas thov kev ncaj ncees, thiab ceeb toom kom txhob muaj kev cuam tshuam hauv kev tseev tsim, tom qab tus qub thawj coj xov xwm raug ntes

Lub lis piam tag los lub Koom Txoos nyob Xis Laas Kas zoo siab uas tus qub thawj coj fab xov xwm raug ntes, vim nws muaj feem cuam txog kev chua hoob pob tua neeg hauv lub Caij Hla xyoo 2019. Thiab thov kom cov nom tso lus rau cov tub txiav txim soj ntsuam ntxiv mus, tab sis tsis txhob pub kev tseev tsim los cuam tshuam nrog.

Tus thawj tub rog Suresh Sallay uas nws so laus lawm raug ntes. Nws yog ib tug nom txheej siab uas raug ntes hauv kev soj ntsuam los ntev, hais txog kev chua hoob pob tua neeg tuag 278 leeg thiab raug mob coob tshaj 500 leej. 

9 tus neeg chua hoob pob tau chua poob pob tua neeg hnub tim 21 lub 4 hlis xyoo 2019. Lub hom phiaj yog 2 lub tsev teev Ntuj Kav Tos Liv, 1 lub tsev teev Ntuj Plos Tes Taas Evangelical thiab 3 lub tsev txais qhua zoo nkauj. Kev tua neeg zaum no ua rau kev ncig tsham teb chaws piam sij loj kawg thiab tom qab ua chawj chim hauv kev tseev tsim heev kawg. Txiv Plig Cyril Gamini Fernando tus tshaj lus hauv lub Koom Txoos hais tias : “Kev ntes zaum no yog kauj ruam tseem ceeb hauv kev muab siab rau nthuav tawm txog kev sib koom tes tom qab kev tua neeg.”