Lub Koom Txoos Kav Tos Liv nyob Xes Us thov kom tso tseg kev tawm tsam. Yog qhov zoo ntawm ob lub teb chaws Kos Lim kev sib raug zoo
Lub Cheeb Koom Txoos Xes Us zeem tseeb txog kev cog lus hauv kev thaj yeeb ntawm lub hiav txwv Kos Lim nyob hauv lub thaj txi Ntuj, thiab kev sab laj uas tsa nyob hauv hnub tim 22 lub 6 hlis no. Hais tau tias yog txwm 3 tiam neeg ntawm kev sib haum xeeb. Muaj cov neeg ntseeg li ntawm 1,000 tawm leej tuaj sib sau nyob hauv lub tsev teev Ntuj Myeongdong, kom tau koom hnub thov Ntuj rau kev sib haum xeeb thiab kev sib koom tes ntawm cov neeg Kos Lim. Nyob hauv cov lus nthuav ntawv Moo Zoo, Tswv Qhia Chung Soon-taick uas nyob Xes Us hais tias :
“Kev sib tawg los ntev niaj ntau xyoo ntawm ob lub teb chaws Kos Lim, ua kom muaj kev chim siab thiab sib tawg ntxiv.”
Tswv Qhiaj tau thov kom cov neeg ntseeg ua cov xub tshais ruam nyob hauv kev sib haum xeeb. Nws muab Yes Xus los ua piv txwv, kom yeej kev sib txeeb sib tawg. Peb yuav ua cov xub cev tes mus pab ua ntej, ib yam li Yes Xus hais tseg cia tias :
“Pub mov rau lawv noj.” Tswv Qhia Chung ua kom pom txog kev txhim kho tshiab nyob hauv kev sib raug zoo ntawm ob lub teb chaws Kos Lim. Nws kuj txhib hais txog tso tseg kev tshaj tawm xov tooj cua thiab kev tshaj paj taub nyob ob tog tus ciam teb.
