Lub cuab tam ntawm tej kab lis kev cai nyob Is Ntos Nes Xias teb, yog hais txog tus ntsuj plig ntawm kev sib koom qhib FABC lub rooj sab laj loj.

Qhov ua kom pom txog lub Koom Txoos nyob Is Ntos Nes Xias.
Txiv Plig Hans Jeharut uas nws yog tus thawj kav xwm ntawm pab neeg npaj FABC
lub rooj sab laj 2026 hais tias : “Kev nthuav tawm txog tej kab lis kev cai, yog qhov lub
Koom Txoos Is Ntos Nes Xias tab meeg ua tawm. Nthuav tawm txog txhua xeev ntuj
nyob hauv lub rooj sab laj tas ib lis piam. Muaj lub xeev Sumatra's Pej ua qhov meej
tseeb hauv kev qhib lub rooj sab laj, hos lub xeev Flores yog npaj kev seev cev thiab
muab Ntsas Vas tej kev cai los siv hauv kev nquam kab sab thiab hauv lub thaj txi Ntuj
hauv lub tsev teev Ntuj Jakarta.
Pov thawj ntawm kev ua hauj lwm rau lub xeev Sumatra's Pej.
Lub Koom Haum cov yim neeg ntseeg nyob Sumatra pej los yog IKKSU Jakarta, yog
tus sawv cev ntau tshaj ntau yam kab lis kev cai. Lub Koom Haum tau sau tas cov neeg
Kav Tos Liv hauv ntau haiv neeg tsawg, kom txhawb nqa lub Koom Txoos ua ntu zus

los hauv kev saib xyuas fab ntsuj plig. Pab daws kev kub ntxhov, pab cov tub kawm
ntawv thiab txhawb nqa cov kawm kev ntseeg thiab cov Txiv Plig.
Tus thawj tswj Lodewijk Sihite hais tias : “IKKSU muab siab rau ua hauj lwm rau
txhua qhov chaw uas lub Koom Txoos xav tau kev pab cuam.” Txiv Plig Hans hais tias :
“Kev muaj feem cuam ntawm cov haiv neeg tsawg muaj txiaj ntsim qab hau kawg, tom
qab tau ua cov hauj lwm ntawm kev raug xwv txheej tsis ntev los no nyob hauv lub
Cheeb Koom Txoos Sibolga. Ua rau tej kev muaj feem cuam no rais ua lub Cim ua
tsaug ntawm kev kho mob thiab kev txhawb nqa.
IKKSU tseem hais txog cov tub ntxhais hluas lub luag hauj lwm thiab. Nws muab cov
hauj lwm tseem ceeb hauv lub Txoos rau cov tub ntxhais hluas thiab cov me nyuam
yaus 34 leeg uas tuaj koom qhib lub rooj sab laj, nrog rau cov seev cev, cov ntaus paj
nruag, tus nyeem ntawv Moo Zoo thiab cov cev txim.
Ua kev zoo siab rau kev sib koom siab hauv ntau yam kab lis kev cai sib
txawv.
Cov kab ke no muaj kev seev cev ntawm cov neeg nyob Sumatra’s, Java thiab Nusa
Tenggara. Muaj pab tub seev cev ntawm Nusa Tenggara, muaj pab tub hu nkauj
Tommy Boly Lakawolo ua cov hu nkauj ua kev tsuj xeeb nco txog tej kab lis kev cai
nyob As Xias. Qhov uas zoo siab tshaj yog thaum Christina Santoso hu zaj nkauj
‘Make Me a Channel of Your Peace’. Ua kom pom txog lub suab hu hauv lub rooj
sab laj kom ua tus tuam choj, thiab zeem tseeb txog sawv daws lub luag hauj lwm nyob
hauv lub Koom Txoos. Hais tseeb tias kev ua yeeb yam raws tej kab lis kev cai no tau
khaws tas txhua yam zoo hauv lub rooj sab laj cia. Qhov ntawd yog kev nqua hu hauv
kev pauv ntxeev ntawm Synodal thiab cov hauj lwm ua tus tuam choj nyob As Xias.
Ua kom pom tias kev ua lub pwm tsav los yog Synodal, yog ua tawm los ntawm kev
ntseeg, kev ua tub txib thiab tej kab lis kev cai sib txawv nyob hauv cov tsev teev Ntuj
hauv zej zog.