Lub Cheeb Koom Txoos Sabah sab laj kom tau tuav xam txog qhov tseem ceeb ntawm lub Koom Txoos cov hauj lwm thiab lub Cheeb Koom Txoos
Cov thawj coj hauv lub Koom Txoos thiab cov sawv cev neeg ntseeg nyob thoob Sabah hauv Mas Les Xias teb. Lawv sib sau sab laj tuav xam txog qhov tseem ceeb hais txog kev ntseeg nyob hauv xeev ntuj, kom tau npaj kev sab laj kev ntseeg nruab xyoos hauv xyoo 2026, nyob Mas Les Xias teb.
Kev sab laj yog 3 hnub ua ke. Lub rooj sab laj npaj nyob hauv lub tsev teev Ntuj Ntshiab hauv lub nroog Kota Kinabalu hauv lub 5 hlis. Muaj cov sawv cev tuaj ntawm lub Cheeb Koom Txoos Kota Kinabalu, lub Cheeb Koom Txoos Keningau thiab lub Cheeb Koom Txoos Sandakan tuaj sib sau li ntawm 600 leej.
Raws li cov lus ntawm Catholic Sabah uas tsa lub rooj sab laj ua lus Mas Les Xias, yog thawj kauj ruam tseem ceeb hauv kev mus txog lub Cheeb Koom Txoos ntawm lub Koom Txoos. Kev sab laj no, yog tus ua lub sam thiaj rau kev sib tham fab ntsuj plig, kev rov ua tib zoo xav, thiab kev tuav xam txog kev ua tib zoo xav. Ua ntej lub rooj sab laj loj ntawm cov teb chaws uas teeb tseg hauv lub 9 hlis 2026, nyob hauv lub nroog Johor. Xav tias yuav muaj cov neeg tuaj li ntawm 700 leej hauv 9 lub Cheeb Koom Txoos nyob Mas Les Xias.
Lub ntsiab lus txhib uas tseem ceeb, xws li lub Koom Txoos lub cuab tam hauv cov liv xwm uas yog tus cag ntawm cov hauj lwm. Qhov tseem ceeb ntawm tsev neeg thiab cov tub ntxhais hluas hauv kev tshaj lub Moo Zoo. Cov hauj lwm muab siab rau ntawm cov neeg ntseeg lub neej ntawm lub Koom Txoos. Thiab kev tsuj xeeb cov Cim Ntshiab uas yog qhov chaw los ntawm kev muaj txoj sia.