Lub chaw ua hauj lwm ntawm cov neeg ntseeg thiab tsev neeg ntawm lub pwm tsav Tswv Qhia nyob As Xias (FABC)
Thaum cov Tswv Qhia As Xias los yog FABC tab tom npaj lub rooj sab laj loj zaum tim 12 nyob Jakarta, hnub tim 20-26 lub 7 hli 2026. Tus thawj tswj ntawm cov neeg ntseeg lub tsev ua hauj lwm thiab tsev neeg ntawm FABC hais tias : kev txhawb nqa tsev neeg kom ruaj khov, txhawb nqa kev ntseeg kom tob thiab kev ua kom cov neeg ntseeg muaj feem cuam. Cov poj niam thiab cov tub ntxhais hluas yog qhov cheem tsum ntawm lub Koom Txoos As Xias.
Hauv kev sib tham nrog Radio Veritas Asia, Tswv Qhia Rozario hais tias :
“Lub Koom Txoos yuav daws teeb meem kev pauv ntxeev hauv zej zog kom sai, yog qhov ua teeb meem rau cov yim neeg thiab cov neeg ntseeg Kav Tos Liv nyob thoob hauv xeev ntuj.” Nws hais tias : “Thawj yam hauj lwm ntawm cov neeg ntseeg thiab cov tsev neeg, yog kev txhawb nqa cov yim neeg kom ruaj khov, cov yim neeg hauv lub Koom Txoos thiab txhawb nqa lub suab hu, kev ua hauj lwmj thiab kev muaj feem cuam ntawm cov neeg ntseeg, cov poj niam thiab cov tub ntxhais hluas rau lub Koom Txoos cov hauj lwm nyob As Xias.”
Lub Koom Haum no yog ib feem hauj lwm tshaj Ntuj Lus loj tshaj ntawm FABC, saib xyuas hauj lwm ntawm cov tub ntxhais hluas, cov poj niam thiab kev tshaj lub Moo Zoo nyob As Xias. Uas yog ua hauj lwm nrog cov Tswv Qhia, cov Txiv Plig thiab cov neeg ntseeg los ntawm cov Koom Haum. Sib tham nyob hauv Online thiab thawj yam kev qhuab qhia yog pab kom cov neeg ntseeg nco txog nyias lub suab hu thiab muaj feem cuam nrog lub Koom Txoos.
Ua tej yam rau kev txhawj xeeb.
Tswv Qhia Rozario hais tias : “Cov yim neeg nyob thoob As Xias ntsib kev txhawj xeeb heev zuj zus, nrog rau kev tsis ruaj khov hauv lub neej. Kev phem hauv tsev neeg, kev txom nyem fab kev lag luam, kev tsiv teb tsaws chaw, kev noj haus, kev quav digital thiab tsev neeg kev teev Ntuj tsuag. Tej yam tseeb uas hais no yog kev piam sij hauv tsev neeg, ua chaw khuam rau kev tshaj lub Moo Zoo thiab ua rau neeg lub meej mom poob qis.” Kom tau ua tej yam los daws kev txhawj xeeb, lub Koom Haum thiaj saib kev qhia kev ntseeg yog qhov tseem ceeb, vim kev ntseeg yog qhov ua kom kev sib raug zoo ntawm neeg thiab Tswv Ntuj ruaj khov. Ua ke ntawd kuj txhawb nqa lub neej ua neeg ntseeg thiab yog qhov npaj cov neeg ua pov thawj txog lub Moo Zoo.
Kev tsim lub Koom Txoos raws lub pwm tsav (Synod).
Tswv Qhia Rozario hais txog Synod yav tom ntej ntawm Vaj Qhia Fas Ntshis Kus tias : “Cov txais lub Cim Ntxuav txhua tus, tshwj xeeb tshaj yog cov poj niam thiab cov tub ntxhais hluas. Tsim nyog muaj feem cuam nrog lub Koom Txoos cov hauj lwm, uas yog siv nyias txoj hmoov los ua tub txib rau lub Koom Txoos.
Ntsia mus deb dua lub rooj sab laj.
Tswv Qhia Rozario hais tias : “Lub rooj sab laj ntawm FABC yuav qhia txog yav tom ntej ntawm cov neeg ntseeg lub Koom Haum thiab cov yim neeg.” Dhau qhov no lawm, nws tseem hais ntxiv tias : “Cov tub ntxhais hluas hnub nyob hauv lwm xyoo, yog lub sij hawm tseem ceeb ntawm cov hauj lwm qhuab qhia cov yim neeg, cov neeg ntseeg, cov tub ntxhais hluas, cov poj niam thiab cov neeg ntawm AsIPA. Thaum cov Tswv Qhia nyob As Xias tab tom sib sau nyob hauv lub ntsiab lus ‘kev pauv ntxeev raws Synod thiab kev tuam choj’, mas kev qhia kev ntseeg thiab kev muaj feem cuam ntawm cov tau txais lub Cim Ntxuav yog lub plawv tseem ceeb ntawm lub Koom Txoos cov hauj lwm.
