Kos Lim Naj ntsia pom tias ; cov tub ntxhais hluas hnub nyob ntiaj teb xyoo 2027, yog lub zoo caij yuav sib hais haum nyob As Xias sab hnub tuaj
Kos Lim Naj muab cov tub ntxhais hluas hnub nyob ntiaj teb 2027, teeb ua qhov tseem ceeb dua kev ntseeg. Cov kav xwm hais tias cov kab ke ntawm Kav Tos Liv hauv ntiaj teb hnub no, yog lub sam thiaj ntawm cov tiam lis thiab tsim kev thaj yeeb nyob As Xias sab hnub tuaj.
Kos Lim tus tiam lis Hyung Sik Shin uas nyob Vas Tis Kas hais tias : “Kev sib koom ntawm cov tub ntxhais hluas nyob thoob ntiaj teb zaum no, yog xov xwm hauv kev thaj yeeb tuaj ntawm Kos Lim teb mus rau lub ntiaj teb.” Lo lus no ua kom pom txog kev xav zoo ntawm cov tseem hwv, uas yuav muab cov tub ntxhais hluas hnub nyob ntiaj teb los txuas nrog cov tiam lis thiab tib neeg kev ncaj ncees kom dav tuaj. Vim Xes Us tab tom nrhiav txoj kev tshiab hauv kev sib hais haum txog xeev ntuj uas sib tawg los ntev. Tseem hwv Kos Lim Naj tau siv peev nyiaj txiag 3,000 plhom Won, kom tau txhawb nqa tej kev npaj txhij hauv kev sib sau zaum no. Shin hais tias yuav muaj cov tub ntxhais hluas tawm rooj tuaj li ntawm 1 plhom leej nyob thoob ntiaj teb tuaj koom.
