Kev ua Leej Ntshiab ntawm Carlo Acutis, yog lub zog rau cov tub tshaj Ntuj Lus Digital nyob thoob ntiaj teb
Kev tshaj tawm thiab teeb tsa Leej Ntshiab Carlo Acutis, tus me nyuam tub Is Tas Lias 15 xyoos. Yog tus nto npe tias “Tswv Ntuj tus muaj hwj chim” ua Leej Ntshiab. Tau ua lub teeb ci rau ib tsoom tub ntxhais hluas nyob thoob ntiaj teb txoj kev tshaj lub Moo Zoo. Vim cov Kav Tos Liv txheej tshiab hloov los siv Social Media, kom tau sib faib lawv txoj kev ntseeg uas nyob hauv lawv lub siab.
Acutis yog tuag los ntawm nws mob Cancer ntshav dawb xyoo 2004. Nws rais ua thawj tug Leej Ntshiab hauv lub Koom Txoos Kav Tos Liv ntawm tiam neeg 1981 txog 1996, hauv Hnub Chiv tag los. Vim kev txawj ntse fab Technology, nws thiaj tsim lub Website los yog tsev vas uas sau tas lub Cim Yug tej hwj huam yees ntxwv thiab siv nws lub peev xwm hauv Digital los tshaj lub Moo Zoo.
Zim txwv no nws yog tus choj tuam hauv kev ntseeg thiab Technology, ua qhov chaw txhawb siab rau tsoom tub ntxhais hluas tshaj lub Moo Zoo kom haum nrog tej phooj ywg. Vaj Qhia Leo 14 yog tus tsa nws ua Leej Ntshiab hnub tim 7 lub 9 hlis 2025 no. Nws qhuas txog Carlo Acutis thiab Pier Giorgio Frassati, nws hais tias nkawd tau tsim cov hauj lwm zoo hauv nkawd lub neej uas yog muab tus kheej cev rau Tswv Ntuj.
