Kev teeb tsa yawg Anutin’s rov los ua thawj pwm tsav dua, puas yuav coj kev ruaj ntseg rau Thaib teb, tom qab 20 xyoo ?
Xov Xwm Hnub Tim 7 lub 5 hlis 2026
Kev teeb tsa yawg Anutin’s rov los ua thawj pwm tsav dua, puas yuav coj kev ruaj ntseg rau Thaib teb, tom qab 20 xyoo ?
Kev raug xaiv dua ib zaug ntawm yawg Anutin’s uas yog Thaib tus thawj pwm tsav zim txwv no, yog kev txhim kho uas tsis tau muaj dua nyob hauv kev tseev tsim Thaib. Nyob hauv 20 xyoo dhau los lub teb chaws raug kav los ntawm cov tseem hwv tsis muaj zog, thiab kev cuam tshuam los ntawm cov tub rog.
Pab nom Bhumjaithai tau suab ntau thiab teeb tsa pab tseem hwv sib xyaws tau dav kawg los ntawm cov hluas txheej tshiab. Kev sib chim nrog Khas Phus Chas thiab kev txhawj xeeb fab kev lag luam tseem yog qhov tseem ceeb ntxiv mus.
Raws kev lees tias yuav cia yawg Anutin’s los ua thawj pwm tsav nag hmo, Thaib teb tau tsim kev ruaj ntseg thawj zaug. Tus thawj coj pab nom raug xaiv los ua thawj pwm tsav zaum ob nyob hauv 20 xyoo dhau los. Cov tseem hwv pej xeem ntau pab dhau los pom tias : kev ua nom luv los yog raug tshem tawm los ntawm cov tub rog thiab cov hlob hauv lub teb chaws. Ua rau tsis muaj kev ruaj khov hauv zej zog thiab kev lag luam heev zuj zus. Qhov uas rov tau txais lub hwm chim no yog lub Cim qhia txog qhov zoo thiab qhov phem hauv kev tseev tsim, uas poob hauv kev quab yuam txij xyoo 2006 uas cov tub rog txeeb kav teb chaws los.
