Nyob hauv nroog Pis Naas nyob Mas Les Xias teb, sawv daws tab tom npaj txhij ua tswv cuab Rooj Sau Siab Kev Tawm Rooj Fiv Ntuj Loj nyob hauv hnub tim 27-30 lub 11 hlis no, uas yog tas cov thawj coj hauv lub Koom Txoos Kav Tos Liv nyob As Xias teb tuaj sib txoos ua ke. Nyob hauv lub Rooj Sau Siab no, muaj cov Tswv Qhia, tsoom Leej Choj, npoj Leej Qee, thiab pab txwj laus Leej Nrog tuaj sau siab ua ke, kom xwv sawv daws tau sib tuav xam, sib tham, ua hmoov, thiab ceev kev tso siab txoj lw rau lub Koom Txoos nyob As Xias taug.
Das Tus Aas Loos As Nkus Das Nkaas, Mas Les Xias tus nom tuav hauj lwm fab haiv neeg kev haum xeeb, nws yuav ua tus tuaj qhib lub Rooj Sau Siab thiab cev lus nyob rau hnub tim 27 lub 11 hlis.
Lub hau lus thiab lub hom phiaj.
Kev Tawm Rooj Fiv Ntuj zaum no tsom kom pom txog lub hau lus tias ‘Tsoom pej xeem nyob As Xias lawv ntoj kev mus ua ke’, vim lub Koom Txoos vam tias sawv daws yuav rhais ruam mus ua ke nyob hauv lub siab ntseeg, thiab ua kev zoo siab cav txog As Xias teb kev nplua mias. Lub Rooj Sau Siab zaum no muaj Rooj Tswv Qhia nyob As Xias fab kev tshaj lub Moo Zoo (FABC OE) yog tus tswv tsa, thiab Ceeb Koom Txoos Pis Naas ua tswv cuab, lub Rooj Lis Kab Xwm pab tshaj Ntuj Lus nyob As Xias (PMS - Asia) ua tus txhawb nrog rau lub Rooj Tswv Qhia nyob Mas Les Xias, Xees Cas Pos, Nplus Nes.
Cov neeg sawv cev thiab tus txhooj.
Kev Tawm Rooj Fiv Ntuj zaum no muaj 773 leej neeg sawv cev ntawm 23 lub teb chaws tuaj koom; xws li Is Ntias teb 122 leej, Fis Lis Pees teb 128 leej, Mas Les Xias teb 144 leej, Thaib teb 34 leej, Nyab Laj teb 30 leej, thiab lwm teb chaws. Rooj Sau Siab no yuav muaj cov thawj coj lub Koom Txoos xws li Tswv Qhia Liab Tas Nkes, tus Tuam Tswj fab kev tshaj lub Moo Zoo hauv lub Pwm Tsav tshaj Ntuj Lus rau haiv neeg; Tswv Qhia Liab Das Vis, tus Tswv Qhia nyob Kas Lus Kas As hauv Fis Lis Pees teb; Tuam Tswv Qhia Xis Moos Pos nyob Kus Tshees hauv Mas Les Xias teb; Tswv Qhia Liab Fas Ntshis Kus, tus Tswv Qhia nyob Pis Naas; thiab Tswv Qhia Pas Lis Pas Las Npis, tus Tswj lub Rooj Tswv Qhia nyob As Xias fab kev tshaj lub Moo Zoo.
Tus txheej txheem yog mus raws li Koom Txoos lub Rooj Sab Laj tus qauv (Synodal Formation), yam li txhawb kev sib koom nrog, kev sib tham, thiab mloog cov tuaj koom lub Rooj Sau Siab lawv tej lus. Tus txhooj yuav muaj kev hais cov lus tseem ceeb thiab muab lub sij hawm rau sawv daws sib ntsib kom tau tshawb nrhiav raws li cov ncauj lus; yam li lub luag hauj lwm tshaj Ntuj Lus rau cov yau, tsim kev thaj yeeb thiab sib haum xeeb, kev sib tham ntawm cov ntseeg thiab lwm txoj kev teev hawm, kev tu lub ntiaj teb uas yog sawv daws lub tsev.
Txoos Txi Ntuj thiab yam tseem ceeb hauv cov txuj txoog.
Kev Tawm Rooj Fiv Ntuj yuav muaj lub Txoos Txi Ntuj nyob hauv Leej Ntshiab As Nas lub Tuam Tsev Teev Ntuj Me, muaj Tswv Qhia Liab Tas Nkes ua tus coj lub Txoos. Lub tsev teev Ntuj no yog ib lub tsev teev Ntuj tseem ceeb thiab muaj neeg hwm ntau tshaj nyob hauv xeev ntuj As Xias Toob Fab Naj liv xwm. Tom qab ua lub Txoos Txi Ntuj tas, Txiv Plig Nkas Lis As nyob Aus Thas Lias uas yog tus kws hu nkauj, kws sau nkauj, kws sau ntawv, thiab txhim tsa ICON Ministry yuav hu nkauj ua kev zoo siab xyiv fab rau sawv daws.
Tsis tas li no xwb, tseem yuav muaj kev ua yeeb yam hais txog haiv neeg cov txuj txoog ntawm pawg tub ntxhais hluas The Rexband.
Kev tshaj thiab tso tawm xov xwm.
Lub rooj xov xwm Radio Veritas Asia ua tus tshaj thiab tso tawm Rooj Sau Siab Kev Tawm Rooj Fiv Ntuj Loj rau sawv daws saib, mloog, thiab nyeem nyob hauv Facebook, Instagram, YouTube, X, thiab TikTok (@VeritasAsia) los yog hauv lub tsev vas www.rvasia.org
Kev Tawm Rooj Fiv Ntuj Loj cog lus tias yuav yog lub sij hawm phua lub ntsiab rau lub Koom Txoos nyob As Xias, kom sawv daws tau ntoj kev nyob hauv lub siab ntseeg, sib koom siab, thiab tso siab, kom tau txhib cov phaum neeg tom qab ua lub neej mus raws nraim li Koom Txoos Kav Tos Liv lub siab ntseeg nrog rau muab As Xias Tuam Teb cov txuj txoog npluas mias saib rau lub sam xeeb.
