Kev sab laj ntawm txhua txoj kev teev hawm nyob Mas Nis Las, muaj kev taij thov kom ua nruj nruj rau kev ua luam neeg
Cov thawj coj kev teev hawm nyob thoob As Xias toob fab naj tau sib sau sab laj nyob Mas Nis Las, kom tau txhawb kev sib koom tes tiv kev ua luam neeg uas yog tus kab mob nyob hauv xeev ntuj. Kev sib sau sab laj ntawm cov thawj coj txhua txoj kev teev hawm 2 hnub ua ke, los ntawm cov neeg ua hauj lwm tiv kev ua luam neeg nyob Fis Lis Pees teb. Lawv tau coj cov sawv cev ntawm cov neeg ntseeg, cov Mawv Xis Lim thiab cov teev hawm Phus Thas tuaj sib sau ua ke. Lawv sib tuav xam txog kev ua luam neeg txheej tshiab thiab kev nrhiav nyiaj ntawm kev sib deev hauv cov me nyuam.
Lub pwm tsav neeg ntseeg nyob Fis Lis Pees teb (NCCP). Mata-Calub txhib txog qhov tsim nyob hauv kev tuav xam thiab sib koom tes sab laj, kom tau txhawb dej siab hauv kev ua hauj lwm kom ncaj ncees, dhau ntawm tej hauj lwm. Nws hais tias kev sib txuas lus, tej yam tshwm sim thiab lub tswv yim hauv kev sib tham hauv lub rooj sab laj, yuav ua kom muaj kev pauv ntxeev uas muaj txiaj ntsig thiab muaj kev cuam tshuam dav.
