Kev ua neeg Is Ntos Nes Xias, yog los ntawm ntau yam sib txawv hauv Eco Camp Bandung.
Cov hauj lwm 12 hnub no, tau sau tas cov tub ntxhais hluas nyob hauv kev ntseeg, hauv haiv neeg thiab hauv cov xeev ntuj uas sib txawv, kom lawv tau tsim kev phooj ywg thiab kawm kom paub ua lub neej nyob ua ke, tab txawm muaj kev sib txawv kuj xij.
Muaj ib tug nyob hauv lub xeev Kalimantan hais tias: “Kuv tsis tau xav los dua tias ib hnub twg kuv yuav tau tuaj so nrog tus neeg muaj kev ntseeg sib txawv. Kuv yog Mawv Xis Lim uas tuaj ntawm lub pov txwv Java sab nraud tuaj. Hos Roommate uas nws nrog kuv nyob, yog neeg Kav Tos Liv tuaj ntawm lub pov txwv Java tuaj.”
Cov tuaj sib koom yog tuaj ntawm txhua xeev ntuj tuaj, xws li Nusa Tenggara sab hnub tuaj, Kalimantan Naj, Sulawesi Nrab, Papua Naj, Sumatra sab hnub poob, Banten thiab lub pov txwv Java kom lawv tau nyob ua ke thiab so nyob hauv tib kem tsev. Noj mov ua ke thiab ua tej yam hauv niaj hnub ua ke. Ua kom lawv tau pom thiab nkag txog ntau yam sib txawv nyob hauv Is Ntos Nes Xias teb. Kev sib ntsib ntawm cov coj kev ntseeg sib txawv yog qhov tseem ceeb hauv cov hauj lwm no. Piv li cov tuaj sib koom uas yog Mawv Xis Lim puav leej zoo siab thaum lawv tau pom cov teev Phus Thas teev lawv cov zaj ua ntej yuav noj mov raws lawv txoj kev ntseeg. Hauv ntau yam kev ua si, xws li tua Game, sib tham hauv pab pawg, ua hauj lwm hais txog txhua yam nyob ib puag ncig thiab sib haum xeeb hauv lub neej niaj hnub. Cov tuaj koom cov hauj lwm no tau kawm thiab paub txog qhov sib txawv hauv kev ntseeg, hauv tej kab lis kev cai thiab hauv haiv neeg. Tsis ua teeb meem rau kev phooj ywg thiab kev sib koom tes kiag li. Tej kev paub no ua kom pom txog qhov tseeb ntawm Is Ntos Nes Xias teb tias: “Kev sib koom ua ib tug hauv ntau yam sib txawv” uas hais tias ; ua ib tug hauv lub teb chaws. Tsis tau txhais tias txhua tus yuav tsum muaj tus yam ntxwv los yog kev ntseeg zoo ib yam tas mus li.
Tom qab nyob ua ke 7 hnub, mas cov tuaj sib koom nyias kuj paub nyias txog kev ua kwv ua tij ruaj khov. Tab sis tseem tshuav sij hawm 5 hnub uas yuav pab kom kev sib cog phooj ywg ntawm lawv ruaj khov dua thiab. Dhau ntawm kev qhia kom paub txog txhua yam nyob ib puag ncig lawm, cov hauj lwm ntawm Green Leader XII tseem hais txog kev txawj sib hwm, kev sib haum xeeb hauv kev teev hawm, thiab kev lees paub lees saib xyuas ua ke nyob hauv zej zog. Cov hauj lwm no ua kom pom tias ; kev ua neeg Is Ntos Nes Xias ntawd, nws muaj ntau dua qhov nyob haiv neeg. Thiab yog qhov uas tab tom ua txhua lub sij hawm hauv kev lees txais ntau yam sib txawv, sib hwm hauv tej yam sib txawv, tsim kev sib koom siab hauv kev sib tham thiab sib haum xeeb hauv cov hauj lwm niaj hnub.
