RVA thiab lub Cheeb Koom Txoos Miri cog lus ua kev nkag siab, kom tau txhawb nqa kev tshaj lub Moo Zoo nyob Online thiab soj ntsuam txog kev tshaj lub Moo Zoo ua xeem lus Mas Les yav tom ntej.
Tswv Qhia Ng nyob Miri tau mus tsham RVA hauv lub nroog Quezon City, nyob Fis Lis Pees teb. Kom tau ntsib tus thawj coj thiab cov tub koom tes hauv kev cog lus. Txiv Plig Fielmar uas nws yog tus thawj coj txhua yam hauj lwm hauv RVA, tau tos txais Tswv Qhia thiab Txiv Plig John Mi Shen tus thawj tswj kev tshaj xo tau muab kev koom tes nrog.
Tswv Qhia Ng hais tias : “Lub Cheeb Koom Txoos tau qhib lub xov tooj cua Kav Tos Liv nyob Miri, yog lub xov tooj cua nyob hauv Internet xyoo 2025. Kom tau nkag mus txog tsoom pej xeem nyob pem toj siab thiab cov neeg nyob txawm hauv Sarawak qaum teb. Txawm li cas kuj xij, lub xov tooj cua tseem xav tau neeg ua hauj lwm, xav tau kev qhuab qhia thiab kev txhawb nqa fab ntsiab lus ntxiv. Tswv Qhia hais tias: “Peb tseem tos thiab nrhiav cov neeg uas yuav pab peb qhuab qhia thiab sib faib cov ntsiab lus.” Peb hais txog qhov tseem ceeb hauv xeem lus Mas Les Xias uas yog hom lus nruab nrab hauv ib tsoom neeg thiab vam tias kev koom tes nrog RVA yuav pab kom kev tshaj lub Moo Zoo Kav Tos Liv nthuav dav tuaj. Hauv kev sib cog lus no, RVA yuav muab cov sob lus ua lus Aas Kiv thiab lus Suav uas twb xaiv lawm rau RKM thiab zaj qhia txog kev xav hauv niaj hnub, xov xwm Kav Tos Liv, ntawv Moo Zoo, Vaj Qhia cov tsab ntawv thiab tej ntaub ntawv qhia kev ntseeg.
Ob tog yuav pib soj ntsuam txog qhov mus tau hauv cov ntsiab lus, kev txhais lus, kev pab cuam fab Technical, kev qhuab qhia thiab qhov yuav ua hauv xeem lus Mas Les nyob hauv RVA chav ntau xeem lus. Txiv Plig Francis Han tus ua hauj lwm fab lus Suav nyob RVA tau hais txog qhov nthuav tawm kev ntseeg Kav Tos Liv mus rau cov neeg hais tau lus Suav nyob Mas Les Xias teb. Txiv Plig Fiel yog RVA tus sawv cev kev cog lus, hos Tswv Qhia Ng yog tus sawv cev ntawm lub Cheeb Koom Txoos Miri. Txiv Plig Mi Shen ua pov thawj hauv kev sib cog lus. Kev sib cog lus no yuav siv nyob hauv thawj 3 xyoos. Hauv kev tshaj 23 xeem lus nyob thoob As Xias teb, RVA tseem tsim kev sib koom tes nrog cov Koom Txoos hauv zej zog kom tau tshaj tawm Kav Tos Liv lub suab thiab txhawb nqa kev tshaj lub Moo Zoo hauv xov tooj cua thiab hauv cov Platform Digtial.
