Kev muag me nyuam yaus : Lub tuam tsev hais plaub nyob Is Ntias teb thov kom cov tsev txiav txim ua nruj dua qub.

Kev muag me nyuam yaus : Lub tuam tsev hais plaub nyob Is Ntias teb thov kom cov  tsev txiav txim ua nruj dua qub.

Tom qab rooj plaub kawg hais txog kev tsis ua quav ntsej txoj hauj lwm nyob hauv lub xeev Uttar Pradesh. Tus kws txiav txim tau tawm txoj cai tshiab kom tau tiv kev txiav txim qeeb thiab tso cov neeg raug txim kom dim, uas lawv tsis tas yuav lees txim.

Lub tsev kho mob uas muaj feem cuam txog kev muag neeg li hais no, raug rho daim ntawv tso cai tawm mus. Vim muaj kev tshaj tias nyiag neeg thiab muag cov me nyuam mos nyuam qhuav yug los tshaj 2,000 rooj plaub nyob hauv txhua txhua xyoo.

Kev txiav txim zaum kawg hauv rooj plaub uas tsis quav ntsej txog kev nyiag me nyuam hauv lub xeev Uttar Pradesh, ua kom lub tsev hais plaub nyob Is Ntias muaj txoj cai tshiab los kav cov me nyuam uas raug nyiag mus muag txhaum cai, kom tau tiv kev ua hauj lwm qeeb. Tus kws txiav txim tau teeb txoj cai ua 6 lub hlis, hauv kev hais plaub uas yog hais txog kev nyiag thiab muag me nyuam. Thiab ib lis piam hauv kev kom plaub ntug, suav txij hnub cev ntawv kom hauv txoj cai tshiab. Tus neeg raug kom yuav raug kaw nruj heev, thiab yog tias nws nyiag kev khiav, mas sau ntawv ntes tam sid.

Dhau no lawm, lub tsev txiav txim yuav tsum rho daim ntawv tso cai hauv lub tsev kho mob uas muaj kev nyiag cov me nyuam mos. Yuav tsum soj ntsuam kom nruj nyob hauv tsev kho mob, hauv cov neeg txais me nyuam puas cev thiab hauv cov Koom Haum uas muaj feem cuam.