Kev mu kev ntawm kev ntseeg thiab kev txhawb nqa nyob Los Mas xyoo tsuj xeeb Xyoo Ntshiab

Cov neeg Thaib uas nrhiav qhov tseeb, lawv taug txoj kev uas pua pob zeb nyob Los Mas hauv Xyoo Ntshiab 2025. Kuv pom tau tias zoo siab heev.

Lub tuam ceeb nyob mus li, zoo li niaj hnub no tab tom ua pa loj zuj zus. Nws lub ntsws muaj ntau plhom leej neeg cov lus thov Ntuj nyob puv nkaus. Yog cov neeg tuaj nrhiav qhov tseeb kom tau tsuj xeeb lub Lis Piam Ntshiab uas tsis yog yam dog dig. Los Mas tab tom muaj neeg nyob puv hauv lub nroog, tab sis tsis yog cov neeg ncig tsham teb chaws. Lawv yog cov poj niam txiv neej, cov me nyuam thiab cov tsev neeg uas nqa tej lub hnab thiab tuav txoj Saw Mab Liab, lawv muaj kev cia siab. 

Hauv lub caij qhov tseeb ntawm lub Lis Piam Ntshiab nyob Los Mas, thaum lub Koom Txoos nrhab tes dav tos txais txhua tus neeg rov mus cuag Tswv Ntuj. Zoo li kov tau thiab paub tau tias cov pob zeb nyob hauv lub tuam tsev teev Ntuj nrog peb sib tw ua pa. Cov kwv tij nyob thoob As Xias, kuv xav hais rau nej tias : “Tuaj mas, yog tias koj tuaj tau ! Los Mas tab tom tos txais koj. Tab sis qhov tseem ceeb dua ntawd, yog Tswv Ntuj tab tom tos koj ntag. Yog tias koj tsis tuaj yeem tuaj tau, mas thov koj koom nrog peb mus kev ua ke nyob hauv fab ntsuj plig. Vim kev tsuj xeeb zaum no yog sawv daws li. Thov kom peb txhua tus tshais ruam hla lub Qhov Rooj Ntshiab, tsis hais peb yuav nyob rau qhov twg kuj xij, thiab rov pib dua tshiab ib zaug ntxiv.”