Kav Tos Liv lub Koom Haum ua cov hauj lwm hauv hiav txwv thiab Thaib lub Koom Haum ntes ntses Tuna txhawb nqa kev txuag cov neeg ntes ntses.
Stella Maris Thailand uas yog fab hauj lwm hauv hiav txwv ntawm cov Tswv Qhia Los Mas Kav Tos Liv nyob Thaib teb, yuav koom tes nrog lub Koom Haum fab tub zog, kev pab cuam, kev mus saib cov tub nkog, kev txais tej lus kom thiab kev qhia kom paub txog txoj cai. Cov lus sib cog no yuav pib siv mus txog hnub tim 30 lub 9 hlis xyoo 2029, uas yog kav tas cov tub zog nyob saum cov nkoj thauj toob xib ntawm txawv teb chaws uas thauj cov Tuna tsau dej khov thiab cov nkoj puav ntses uas txhos tus chij Thaib. Thaib teb yog lub teb chaws xa tawm ntses Tuna loj tshaj nyob tas ntiaj teb. Cov tim xyoob hauv lub Koom Haum yog xa ntses Tuna tawm mus. Xam ua 90 feem pua ntawm kev xa tawm ntses Tuna nyob thoob lub teb chaws. Tus kws txuj Chanin Chalisarapong uas nws yog tus pwm tsav ntawm lub Koom Haum hais tias : “Kev txuag pov hwm cov tub zog yog qhov tsim nyog rau cov Koom Haum ntes ntses Tuna yav tom ntej.” Nws hais tias :
“Kev paub hauv kev ua hauj lwm ntawm Stella Maris Thailand yuav pab sau cim txog teeb meem fab tub zog, thiab txhawb nqa kev ntiav zog kom ncaj ncees.”
Hauv kev sib cog lus no ob lub Koom Haum yuav sib pauv tej ntaub ntawv hasi txog kev ua hauj lwm, kev mus saib tej nkoj, pab cuam cov tub zog hauv kev taij thov thiab qhia kom paub txog txoj cai tub zog nrog rau kev pab fab txoj cai uas twb muaj lawm.
Tus pog Apinya Tajit uas yog lwm thawj tswj ntawm Stella Maris Thailand hais txog kev sib koom tes 5 yam. Xws li kev sib pauv tej ntaub ntawv, kev saib tej nkoj thiab saib xyuas lub siab ntsws thiab fab ntsuj plig, kev soj ntsuam qhov tseeb qhov cuav, kev qhia kom paub txog txoj cai thiab kev qhia ua hauj lwm kom zoo tshaj. Kev sib cog lus muaj cov tuaj koom nrog, xws li Tswv Qhia Siripong Jaratsri uas yog tus lwm tswj Caritas Thailand thiab Txiv Plig Phairat Sriprasert uas yog Caritas Thailand tus sau ntaub ntawv thiab yog tus thawj tswj ntawm Stella Maris Thailand thiab cov sawv cev ntawm cov Koom Haum ntes ntses Tuna.
Txiv Plig Phairat zeem tseeb txog kev muab siab rau ntawm lub Koom Txoos uas muaj rau kev ncaj ncees hauv hiav txwv thiab cov tub zog lub meej mom. Stella Maris Thailand zoo siab yuav muab tej kev paub hauv kev ua hauj lwm ntawm cov tub nkoj los siv, kom cov tub nkog nkag siab txog nyias txoj cai thiab tau txais kev saib xyuas kom tsim nyog. Cov hauj lwm pib no ua kom pom txog kev ntseeg ntawm cov Kav Tos Liv hais txog kev them nqi zog ncaj ncees, lub meej mom hauv kev ua neeg thiab txoj cai tub zog. Mus txog Vaj Qhia Fas Ntshis Kus tsab ntawv uas xa mus rau cov tub nkog tias : “Lawv tsis tau nyob twm zeej thiab tsis raug hnov qab.” Kev sib cog lus uas txaus siab thiab tsis muaj qhov sib khi no, kheev kom ob lub Koom Haum tuaj yeem sib koom tes hauv kev txuag nyias cov hauj lwm twj lij cia.
