Xov Xwm Koom Txoos

Kav Tos Liv lub Koom Haum kho mob nyob Kos Lim Naj tau tshaj tawm AI txoj cai thawj zaug rau cov tsev kho mob

Default User Image
By Hmong Service, 03 June, 2026
Tuam Tswv Qhia Tshus Xoos Tais (Chung Soon-taic) nyob Xes Us thiab Tuam Tswv Qhia Nkas Pas (Giovanni Gaspar) uas yog Vaj Qhia tus Tiam Lis nyob Xes Us koom tes tuav daim ntawv tsab cai AI kho mob yam raug cai nyob hauv lub rooj tuav xam CMC Ethical AI Transformation Symposium nyob Xes Us hauv hnub tim 7 lub 5 hlis 2026 (Duab: Lub Koom Txoos Xes Us).

Hnub tim 8 lub 5 hlis tas los no Licas News tshaj tias cov thawj coj lub Koom Txoos zeem tseeb tias AI lub tswv yim tsim tawm yuav tsis hloov kev sib pom dej siab thiab kev lees txais ntawm tib neeg hauv kev saib xyuas cov neeg mob. 

Kav Tos Liv cov tsev kho mob los yog CMC yog ib feem hauv kev saib xyuas kev noj qab haus huv ntawm Kav Tos Liv hauv lub teb chaws tau tshaj tawm tsab cai AI kho mob yam raug cai. Tsab cai no hais txog 4 yam tseem ceeb thiab kev nqis tes ua 12 nqe lus; yog hais txog tib neeg lub meej mom, kev lees txais fab kev kho mob, kev ncaj ncees hauv tej ntaub ntawv, kev ncaj ncees hauv zej zog thiab lees txais txog txhua yam nyob ib puag ncig. Txhua nqe lus nrog rau cov lus cog uas cia siab tias AI lub tswv yim tsim tawm yuav txhawb nqa kev sib raug zoo ntawm cov neeg mob thiab cov kws kho mob.