Hmoov tsuj xeeb Yes Xus yug los nyob hauv lub pov txwv Kei Besar nrug deb Is Ntos Nes Xias teb

Thaum cov neeg Is Ntos Nes Xias ib feem tab tom tsuj xeeb Yes Xus yug los thiab xyoo tshiab hauv kev tawm rooj thiab kev so, mas muaj 10 pab neeg nyob Jakarta sawv kev mus rau lub pov txwv Kei Besar uas nyob Mas Lus Kas toob fab naj. Kom tau coj kev kho mob, kev txhawb nqa kev kawm thiab kev phooj ywg mus rau cov neeg nyob nrug deb.

Pab neeg no muaj ib nkawm niam txiv uas yog kws kho mob ua tus coj. Xws li yog Angelina Vanessa thiab Paulus Lukman coj lawv mus rau Kei Besar uas yog qhov chaw Vanessa tau ua hauj lwm 12 xyoos nyob ntawd. Lawv mus kom tau ua hmoov tsuj xeeb Yes Xus yug los thiab pab kho mob, pab txhawb nqa kev kawm thiab nrog zej zog sib fim. Ib txwm los hmoov tsuj xeeb Yes Xus yug los thiab xyoo tshiab kheev kheev ua nyob ntawm tej qhov chaw yooj yim thiab zoo so ua si. Hais txog nkawm niam txiv kws kho mob thiab cov neeg tawm rooj, mas hmoov tsuj xeeb Yes Xus yug los xyoo 2025 yog qhov chaw lawv mus txog lub pov txwv nyob Mas Lus Kus toob fab naj uas nyob nrug deb. Yog qhov chaw nyob twm zeej thiab siv nyiaj ntau kawg thiaj mus txog. Pab neeg no tseem muaj 3 tug tub ntxhais hluas nyob hauv nroog nrog mus thiab. Txoj kev paub zaum no ua kom pom tias yog qhov txaus ntshai thiab txawv kawg. Nws txawv lub neej tau zoo nyob thiab kev nplua nuj uas nyob Jakarta thiab Xis Nis.