GPH hnub 2: Cov kws txuj uas paub txog fab kev sib xa xov nyob Xees Cas Pos ceeb toom tias “Yuav tsum muaj feem cuam nyob Online, tsis li ntawd yuav tsis muaj feem cuam.”
“Yog tias lub Koom Txoos ploj mus ntawm Digital, mas peb kev nyob ntiag to yuav ua kom muaj kev piav cov zaj cuav tawm ntau.” Lim uas yog tus neeg tshiab paub txog fab kev xa xov thiab nws yog tus thawj tswj kev sib xa xov hauv zej zog ntawm lub Cheeb Koom Txoos Xees Cas Pos ceeb toom tias : nws thov kom lub Koom Txoos As Xias siv cov cuab yeej sib xa xov Digital uas zoo rau kev ua cov hauj lwm tshaj Ntuj Lus. Kev sib sau siab zaum no muaj tshaj 200 leej tuaj sib koom ua ke. Muaj cov Tswv Qhia, cov Txiv Plig, co thawj coj kev ntseeg thiab cov neeg ua hauj lwm fab kev sib xa xov nyob thoob As Xias teb.
Hnub 2 ntawm kev fiv Ntuj hauv kev cia siab GPH, muaj kev qhia txog Impact Session 7 lub sij hawm ib yam. Txhua zaus yog npaj nyob lwm qhov chaw hauv lub tsev txais qhua thiab cov neeg sib txuas lus yog Radio Veritas Asia, uas yog phooj ywg koom tes fab xov xwm ntawm GPH 2025. Hauv kev sib tham qhuab qhia Lim tau tshawb nrhiav txog cov qauv Digital tshiab uas tab tom tshwm sim nyob As Xias teb. Qhov tseem ceeb ntawm AI hauv kev pauv ntxeev fab kev ntseeg uas cheem tsum siv nyob hauv lub lub Koom Txoos, hauv xeev ntuj zim txwv no uas tsoom pej xeem loj hlob hauv Digital sai tshaj nyob thoob ntiaj teb. Nws tau txhib kom lub Koom Txoos pauv kev siv Internet mus rau kev nyob hauv Digital. Pom tias kev tshaj Ntuj Lus yog qhov tseem ceeb hauv kev ua lub neej neeg ntseeg.
Qhov ntsia pom hauv Digital nyob As Xias, kev sib tw thiab lub caij nyoog.
Lim xam pom tias As Xias yog "lub teb chaws muaj zog tshaj plaws hauv kev siv xov tooj ntawm thiab yog thawj yam tseem ceeb." Vim muaj cov neeg siv Internet coob tshaj 97 feem pua, uas nkag txog Digital nyob hauv xov tooj. Thiab zim txwv no muaj cov neeg As Xias coob tshaj 2 plhom 500 txhiab leej nyob Online. Yog qhov muaj txhab ntxiv li 3 npaug ntau tshaj 10 xyoo tag los. Kev sib kis tus kab mob COVID-19, ua kom muab Digital los siv ntau kawg. Muaj ntau pua txhiab tus neeg tig los siv Online, kom tau kev teev Ntuj, kawm ntawv, nrog zej zog sib ntsib thiab sib txuas lus. Nws hais tias lo lus nug rau cov Xib Hwb tsis yog tias ; puas muaj feem cuam txog Online, tab sis yog qhov tias yuav ua li cas. Ib yam uas nws hais txog, xws li kev nkag mus txog uas tsis tau mus dua. Yog hais txog cov zej zog nyob deb. Yog kev sib txuas lus txog ntau yam uas txhawb nqa kom muaj feem cuam tiag tiag. Kev sib tham los yog kev qhuab qhia hauv cov thaj tsam uas cov Txiv Plig thiab lwm qhov chaw tsis muaj, kev tshaj xo hauv zej zog hais txog tej zaj hauv kab lis kev cai thiab tib neeg ntiag tug.
Tsis tas li ntawd, Lim tau xav txog tej kev sib tw ; xws li cov ntsiab lus yuam kev, kev sib txawv hauv ntau xeem lus thiab tej kab lis kev cai. Tej peev txheej uas raug teeb tseg, cov neeg uas tau kawm tiav thiab tej cuab yeej tsis sib luag. Tshwj xeeb tshaj yog nyob pem toj siab. Nws txhib kom txhua lub Cheeb Koom Txoos nrog soj ntsuam txog Digital kom ncaj ncees. Thiab teeb lo lus nug tias : “Tsoom pej xeem yog siv qhov platform twg tiag ? Leej twg thiaj nkag mus tau thiab leej twg tsis siv ? Kev sib txuas lus ntawm kev ntseeg puas yog kev sib koom ua ke los yog kev sib cais ?
AI-Tus ua tub txib tsis yog koj.
Lim hais tias AI yog qhov cuab yeej uas yuav ua rau neeg xyuam xim, tsis yog yam pauj kev txhawj xeeb hauv neeg fab ntsuj plig. Nws hais txog qhov txhawj xeeb hauv kev ncaj ncees, xws li tsis muaj kev sib pom dej siab thiab qhov tob hauv fab ntsuj plig tseeb tiag ntawm AI, nws ua kom muaj tej yam nkag siab yuam kev. Nws pom zoo kom lub Koom Txoos tsim kev txawj ntse nyob hauv Online Kav Tos Liv uas txaus ntseeg, kom AI tau rub tej lus los ntawm qhov txaus ntseeg. Nws hais txog Magisterium AI thiab cov cuab yeej uas xyaum los ntawm lub Koom Txoos tej ntaub ntawv. Ua kom pom tias kev siv AI hauv kev xyuam xim, tuaj yeem txuag tau lub sij hawm hauv kev soj ntsuam thiab ua kom mus txog kev qhuab qhia tau.
Xees Cas Pos teb yog tus piv txwv.
Qhov ntxim siab tshaj hauv kev sau siab no, yog hais txog kev sib txuas lus nyob hauv Digital ntawm lub Cheeb Koom Txoos Singapore. Ua kom pom tias cov neeg ntseeg Kav Tos Liv tsis coob pes tsawg li ntawm 395,000 leej, tuaj yeem tsim tej yam cuam tshuam txog Digital tau ntau. Lim hais tias Catholic SG rov qab qhib dua nyob hauv xyoo 2014. Muaj cov neeg raws qab tsis pes tsawg txhiab leej. Tab sis 10 xyoo tom qab, lub Cheeb Koom Txoos txuag tau Digital 27 tshooj cia, thiab tshooj nkag mus sau npe yog 570 txoj kab. Tuaj yeem nkag mus txog cov neeg ntseeg Kav Tos Liv los ntawm Social Media, Website, Aplication xa lus, platform Video, podcasts thiab App xov tooj uas tab tom vam meej. Tib xyoo hauv 2014, lub Cheeb Koom Txoos tau tsim cov ntsiab lus nyob hauv Digital tshaj 8,000 yam. Ces ua rau neeg nkag mus saib coob li ntawm 36 plhom 700 txhiab leej. Yuav luag txog 100 npaug ntawm cov neeg ntseeg Kav Tos Liv nyob Xees Cas Pos teb.
Nws ua kom pom tias ib zaug xwm txheej uas tshwm sim rau Tswv Qhia, tuaj yeem muab los siv dua tshiab nyob hauv cov Video ntev ntev, hauv Tiktok, hauv Podcasts thiab kev sib txuas lus hauv tsev teev Ntuj. Nws yuav ua kom muaj neeg nkag mus txog coob dua.
Lim hais txog qhov Singapore ua tiav ntawd, yog tshwm sim los ntawm:
- Kev xub xav tswv yim tas mus li.
- Kev nqis peev ntawm cov neeg txawj ntse thiab cov neeg uas tau kawm.
- Kev sib koom tes ntawm cov ntseeg thiab lwm cov pwm tsav.
- Kev ua hauj lwm kom haum rau kev ntseeg yav tom ntej ntawm Tswv Qhia.
- Kev soj ntsuam thiab daws kho hauv nruab xyoos.
Nws xav kom lwm lub Cheeb Koom Txoos txhob vam txog cov hauj lwm nyuam qhuav pib los yog lam ua ntis ntsej muag, tab sis xav kom txhim kho tus txheej txheem ua hauj lwm Digital thiab cov cuab yeej uas haum rau kev sib txuas lus.
Kev nqua hu hauv Digital ntawm lub Koom Txoos, nyob ntawm ib tsoom neeg hauv ntej. Lim xaus cov lus thov Ntuj tias : “Lub ntuj Digital zim txwv no yog qhov nruab nrab ntawm neeg tus yam ntxwv. Tshwj xeeb tshaj yog cov tub ntxhais hluas. Nws hais tias lub Koom Txoos tsis yog tus tuaj tsham hauv cov hauj lwm no xwb, tab sis yog tus tuaj nyob kiag.
Kev nqis peev ntawm cov neeg hauv kev sib txuas lus thiab hauv Platform Digital txhij txhua, tsis yog qhov nkim nyiaj. Nws tsis yog kev xav tau, tab sis nws yog kev cheem tsum. Nws tau txhib cov neeg sib koom tias ; Technology tsuas yog ib yam cuab yeej xwb. Lub hom phiaj tiag tiag ntawm Technology, yog kev ua kom cov neeg sib ntsib hauv Digital tau nkag mus paub txog cov Cim Ntshiab thiab lub Koom Txoos. Cov caij nyoog no xaus rau cov lus caw hauv kev thov Ntuj. Thov kom cov neeg ntseeg Kav Tos Liv nyob As Xias rais ua cov neeg muaj feem cuam nyob hauv Digital, kom muaj lub tswv yim txhim kho, muaj peev xwm, ua neeg xyuam xim, sib koom tes nyob hauv Yes Xus thiab ua lub neej txaus nkaus hauv tej kiab khw Digital hauv lub tswv yim.
