FABC 2026: Lub Koom Txoos haiv neeg tsawg nyob Pas Kis Taas teb tuam choj hauv kev ua hauj lwm.

Hais txog lub Koom Txoos Kav Tos Liv nyob Pas Kis Taas, uas muaj cov neeg ntseeg tsawg dua 2 feem pua hauv tsoom pej xeem 240 plhom leej. Qhov ntsia tsis pom kev sib tawg hauv kev ntseeg, yog kev cawm txoj sia nyob hauv niaj hnub. Kev raug thuam hauv kev ntseeg nruj nruj, kev ua phem hauv tsoom neeg ntseeg, kev nyiag cov me nyuam ntxhais hauv cov haiv neeg tsawg thiab kev txwv kev lag luam. Cov neeg ntseeg hauv zej zog paub zoo txog tej kev sib tawg zoo. Kev tuam choj yog hais txog kev hla kom dhau kev ntseeg tej qhov txhab, kom txhob ua teeb meem rau lub meej mom hauv kev ua neeg. Tus choj uas ruaj khov ntawm lub Koom Txoos Pas Kis Taas ntawd, yog ua raws kev txo tus kheej ntau caum xyoo rau zej zog tej txiaj ntsim qab hau.

Kev kawm ntawv yog qhov chaw sib haum xeeb.

Ua ntej yuav muaj rooj zaum ua ke hauv cov kev teev hawm raug cai, mas cov tsev kawm ntawv Kav Tos Liv uas muaj keeb kwm los ntev, xws lub tsev kawm ntawv Leej Ntshiab Patrick’s nyob Karachi thiab lub tsev kawm ntawv hwm Leej Ntshiab Anthony nyob hauv lub nroog Lahore, tau npaj kev sib haum xeeb ib txwm los.

Cov tsev kawm ntawv no tau muab kev txawj ntse rau cov me nyuam kawm ntawv uas feem coob yog Mawv Xis Lim los ntau tiam neeg. Ua rau cov thawj coj yav tom ntej, tab txawm yog tus thawj pwm tsav, tus kws lij choj thiab cov thawj tub rog kuj puav leej tau kawm ua ke nrog cov haiv neeg tsawg. Qhov tshaj ntawd yog tus tsim lub teb chaws Pas Kis Taas uas yog yawg Quaid-e-Azam Muhammad Ali Jinnah, tau kawm dua ntawv nyob hauv lub tsev kawm hwm Leej Ntshiab Patrick. Kev muab cov tub kawm ntawv coj kev ntseeg sib txawv los kawm ua ke nyob hauv tib chav, ua rau lub Koom Txoos tau txo kev npau taws thiab tsim kev sib hwm ntsiag ntsiag rau cov thawj coj Pas Kis Taas yav tom ntej.

Kev kho mob thiab kev daws kho tib neeg kev ncaj ncees.

Thaum teeb meem huab cua los yog teeb meem kev lag luam tshwm sim, mas tib neeg kev ncaj ncees ntawm lub Koom Txoos yuav mus deb dua kev ntseeg nyob hauv cov koom haum pab neeg nyob Pas Kis Taas. Caritas Pakistan thiab lub tsev kho mob Kav Tos Liv hauv zej zog, mas kev pab yuav raug xa mus raws neeg txoj kev xav tau tiag. Hauv lub caij raug xwm txheej tsis ntev los no, Caritas uas yog lub Koom Txoos ua tus coj tau nqes mus tsham thoob teb chaws. Lawv pub chaw nyob chaw pw, tsev plob thiab kho mob rau cov yim neeg Mawv Xis Lim tsiv teb tsaws chaw ntau yim. Yog qhov ua kom pom txog lub zog hauv kev khuv leej.

Cov thawj coj yog cov nyob pem hauv ntej.

Tej kev sib txuas no tau txais kev txhawb nqa los ntawm cov tho kev uas muaj peev xwm, ua rau tej pab neeg tsawg yog qhov tseem ceeb uas tau txais kev hwm hauv lub teb chaws. Tswv Qhia Coutts uas nws yog tus Tswv Qhia qub nyob Karachi, tuav rawv txoj cai lij choj Dominus Vobiscum, thov kom Tswv Ntuj nrog nej nyob. Yog tus piv txwv hauv kev ua hauj lwm. Thaum kev kub ntxhov hauv xeev ntuj quab yuam cov haiv neeg tsawg, mas Tswv Qhia Coutts yuav nrog cov tub txawj ntse thiab cov tsev kawm ntawv Islam nto npe ua hauj lwm, kom txuag txoj kev sib xa xov uas yuav txo tej kev ua phem hauv zej zog ua ntu zus. Tswv Qhia Samson Shukardin uas nws yog tus thawj coj cov Tswv Qhia Pakistan, mas nws txhawb nqa cov neeg pluag txom nyem nyob Sindh, cov neeg ntseeg pluag txom nyem thiab cov Hindus txheej qis raug txom nyem los ntawm kev yuam ua qhev. Nws koom tes nrog cov Islam txuag tib neeg kev ncaj ncees thiab cov tub xov xwm. Nws ua tiav hais txog txhawb nqa kom cov haiv neeg tsawg tau nrog cov nom sib tham txog yam tseem ceeb.

Txiv Plig Channan, OP uas nws yog ib tug Txiv Plig nyob hauv lub Koom Haum Domenican thiab yog tus thawj tswj lub Koom Haum kev thaj yeeb nyob Lahore, tau siv sij hawm ntau caum xyoo tsim kev thaj yeeb los ntawm kev thaj yeeb hauv zej zog, thiab pab kom neeg sib koom kev teev hawm ua ke (URI) nyob thoob lub teb chaws. Txiv Plig Channan txhawb nqa kev sib tham kom tau tiv txoj cai nruj hauv kev ntseeg.

Txiv Plig Nadeem, OFM Cap uas nws yog tus lwm thawj tswj kev ua hauj lwm ntawm lub teb chaws cov kav xwm hauv kev sib tham, ntawm cov kev teev hawm thiab kev muaj vaj huam sib luag hauv kev ntseeg los ntev lawm. Tus Txiv Plig ntawm lub Koom Haum Capuchin uas nws tuag lawm, tau npaj tseg kev sib koom tes ntawm cov kev teev hawm txheej tshiab nyob Pakistan. Nws ua raws Leej Ntshiab Francis tus piv txwv thiab lub hwj chim nyob Hais Nkws Tos. Cov hauj lwm ‘Pab Caravan hauv kev thaj yeeb’ ntawm nws, tau ua kom pom tias kev pib hauv kev thaj yeeb tuaj yeem mus txog hauv tej chaw muaj kev txom nyem.

Tus kws txuj Leej Phauj Ruth Pfau uas tuaj ntawm Zes Mas Nias teb tuaj xyoo 1960. Leej Phauj Ruth Pfau tus uas tuag lawm tau siv sij hawm 50 tawm xyoo los kho cov neeg mob ruas nyob Pakistan teb. Nws cov hauj lwm hauv lub tsev mob ruas Marie Adelaide nyob Karachi, mus deb dua kev sib tawg hauv kev ntseeg thiab zej zog. Qhov no ua rau nws nto npe tias yog “Leej niam Teresa ntawm Pakistan’. Thiab nws lub ntees tau txais kev pam los ntawm cov nom hauv lub xeev, yog qhov tsis tshua muaj tshwm sim.

Pov thawj ntawm cov lus txhais nyob As Xias.

Pov thawj ntawm lub Koom Txoos Pakistan yog sob kawm tseem ceeb kawg rau cov haiv neeg tsawg nyob thoob As Xias. Qhov ntawd yog kev ua tus tseem ceeb txog cov lus txhais, yog hais txog qhov tsis lees kev sib tawg hauv zej zog thiab tig los qhib siab tos txais cov neeg feem coob hauv kev pub kev txawj ntse rau cov tub ntxhais hluas, kho cov neeg mob thiab txuag kev sib txuas nrog cov thawj coj Islam ua ntu zus.

Lub Koom Txoos tau soj ntsuam ntsiag ntsiag tias; kev nyob ua ke yam kaj siab lug tsis yog qhov nkag mus txog nyuab, tab sis yog qhov tsim nyog ntawm cov hauj lwm sib koom yav tom ntej ntawm cov haiv neeg.