Dora D'Rozario tus teeb tsa lub Koom Haum Leej Phauj Ordo Virginum nyob Dhaka
Xyoo 1985, Dora D’Rozario yog thawj tug Leej Phauj nyob Npees Las Des teb uas raug lees txais. Nws rov tuaj Npees Las Des teb, yog tom qab lub rooj ncauj lus Vas Tis Kas Ob. Zim txwv no muaj 11 tug Leej Phauj ua hauj lwm nyob hauv lub teb chaws. 40 tawm xyoo uas Dora tau qhia txog fab ntsuj plig, tau tuav xam nrog cov tsev neeg thiab txhais lub Koom Txoos tej ntaub ntawv ua xeem lus Bengali.
Hauv nws cov lus tim khawv hnub no nws hais tias : “Thaum peb muab txhua yam rau lwm tus, mas peb yuav tau txais txhua yam ntawd rov qab los.”
Zaj hais txog nws yog qhov ntxim siab kawg nyob hauv hnub no, vim lub Koom Txoos tau tsuj xeeb hnub nws muab tus kheej los ua hauj lwm rau lub ntiaj teb. Kuj yog ncaj rau hnub cev Yes Xus nyob hauv lub tuam tsev teev Ntuj. Hauv Dora lub neej nws ib txwm muab kev rov xav txog thiab kev nqi tes ua los sib xyaws ua ke. Ntau caum xyoo lawm uas nws ua lub neej nyob ntawm lub Koom Haum sab nraud, nrog rau nws lub suab hu ntawm ib tug Leej Phauj hauv lub Koom Haum Ordo Virginum. Tas hauv lub caij no, nws tau qhia kev ntseeg, tsa kev sau siab, nrog cov tsev neeg sib tuav xam, qhia txog fab ntsuj plig thiab txhawb nqa kev qhia kev ntseeg nyob hauv lub Cheeb Koom Txoos Dhaka. Nws lub neej niaj hnub, muaj kev ntseeg nyob puv nkaus. Xws li koom ua thaj txi Ntuj txhua txhua hnub, siv sij hawm ntau teev los teev Ntuj thiab txaus siab yuav nyob ntawm cov neeg xav tau kev pab hauv fab ntsuj plig ib sab.
