Cov Yes Xus Is lub tsev tub zog txawv teb chaws, ua hmoov tsuj xeeb txwm 20 xyoo nyob Kos Lim Naj

Lub tsev tub zog hla teb chaws Yiutsari uas yog cov Yes Xus Is ua tus tswv nyob Kos Lim naj, lawv ua hmoov tsuj xeeb txwm 20 xyoo. Txhib hais txog kev muaj feem cuam txhawb nqa cov neeg thoj nam.

Tus Txiv Plig Yes Xus Is hu ua Kim Min, uas nws yog tus thawj tswj kev tshaj Ntuj Lus rau zej zog hauv lub xeev hais tias : lub Koom Haum Yes Xus Is nyob Kos Lim naj tau teeb tsa lub tsev tub zog hla teb chaws Yiutsari thiab lwm qhov chaw uas ua hauj lwm pab zej zog. Tshwj xeeb tshaj yog cov tub zog hla teb chaws thiab cov neeg thoj nam. Nws hais tias kev ncaj ncees hauv zej zog nyob Kos Lim naj, qhia kom pom txog Kos Lim tej keeb kwm. Lub Koom Txoos Kav Tos Liv nyob Kos Lim, yog lub Koom Txoos pab cov neeg pluag txom nyem tom qab tsov rog hauv xyoo 1980. 

Tau nthuav dav hauv kev txhim kho kev lag luam hauv lub teb chaws. Cov neeg tuaj sib sau kuj tau sib tham hais txog cov neeg thoj nam Mias Mas thiab cov neeg As Kas Nis Taas uas tsiv mus nyob Kos Lim naj thiab. Cov poj niam thiab txiv neej no tau piav txog kev dim siav ciaj thiab kev xav muaj lub neej twj lij, xav muaj kev sov siab hauv tej zej zog uas lawv nyob, kom muaj cai thiab muaj meej mom sib luag zos. Tsis yog tias lawv xwb, tab sis nws yog hais txog lawv tej me nyuam thiab tej xeeb ntxwv.