Cov Txiv Plig ua hmoov tsuj xeeb txwm 100 xyoo, ntawm kev tshaj lub Moo Zoo nyob Is Ntos Nes Xias

Cov Txiv Plig ntawm lub Koom Haum Ntoo Cuam Ntshiab los yog OSC, hauv lub Cheeb Koom Txoos Tus Cawm Seej nyob Is Ntos Nes Xias teb. Tau nthuav txhua yam hauj lwm hauv lub xyoo, kom tau ua hmoov tsuj xeeb txwm 100 xyoo ntawm cov Txiv Plig Dutch kev tshaj lub Moo Zoo nyob hauv lub teb chaws.     

Kev tsuj xeeb pib ntawm lub thaj txi Ntuj hauv lub tsev teev Ntuj hwm Leej Ntshiab Pob Zeb, nyob hauv lub nroog Bandung. Cov neeg txhawb nqa kev tshaj Ntuj Lus rau cov Txiv Plig OSC tuaj koom kev tsuj xeeb, thiab lwm pab Txiv Plig nyob hauv lub Cheeb Koom Txoos kuj tuaj koom. Cov npaj lub hmoov tsuj xeeb hais tias : 

“Cov kab ke no yog qhia txog kev ncaj ncees hauv kev ua tub txib, kev ntseeg thiab kev tshaj lub Moo Zoo txwm 100 xyoo.”

Dhau no lawm tseem yog qhib kev tsuj xeeb txwm 100 xyoo raws txoj cai thiab muaj ntau yam hauj lwm tseem ceeb. Tas txhua yam no yog npaj nyob hauv lub tsev teev Ntuj Bandung. 99 xyoo ua ntej no, muaj 3 tug Txiv Plig ntawm lub Koom Haum Ntoo Cuam Ntshiab tau pib lub Koom Haum cov hauj lwm nyob Is Ntos Nes Xias teb. Lawv mus txog Is Ntos Nes Xias teb hnub tim 9 lub 2 hlis xyoo 1927. Yog kev tshaj lub Moo Zoo yuav luag txwm 100 xyoo nyob hauv lub teb chaws no. Ib yam hauj lwm uas npaj ua 11 lub hlis tom ntej no ntxiv, yog kev rov kho thiab luam OSC cov liv xwm nyob Is Ntos Nes Xias teb.