Cov tub tshaj Ntuj Lus neeg As Xias sib sau nyob Mas Nis Las, kom tau tsim kev sib koom siab thiab sib pauv kev txawj ntse hauv kev sau siab thawj zaug.
Kev sau siab 4 hnub no tau sau tas cov tuaj koom sau siab hauv ntau lub teb chaws nyob As Xias tuaj sib tuav xam hais txog cov hauj lwm Online hauv kev tshaj lub Moo Zoo ntawm lub Koom Txoos thiab kev sib tham. Hauv lub ntsiab lus tias “ntawm tus muaj hwj chim mus txog kev ua pov thawj ntawm cov tshaj lub Moo Zoo. Kev muaj feem cuam txog kev tshaj lub Moo Zoo hauv Online nyob As Xias teb.” Lub rooj sau siab no thov kom cov tub xov xwm Kav Tos Liv Online hla dhau kev muaj hwj chim nyob hauv Social Media, mus txog kev ua pov thawj ntawm cov neeg ntseeg tseeb tiag. Ib tug nyob hauv cov tuaj koom sau siab, yog Txiv Plig Ritchie Vincent ntawm lub Cheeb Koom Txoos Madras thiab Mylapore nyob Is Ntias teb. Nws txaus siab rau cov hauj lwm no tom qab tau mus koom lub rooj sau siab cov tub tshaj Ntuj Lus ntawm txhua txhua lub teb chaws nyob Vas Tis Kas, thiab xam pom tias muaj cov tuaj koom sau siab uas tuaj ntawm As Xias teb tuaj tsawg heev.
Txiv Plig hais tias : “Nws yog kev xav muaj muaj zog uas tshwm sim nyob hauv kuv lub siab. Thiab kev sau siab nyob Mas Nis Las yog lub zoo caij rau cov tub tshaj Ntuj Lus Online nyob As Xias tau sib ntsib, sib koom tes thiab rov sib kawm sib qhia.” Txiv Plig Ritchie ua hauj lwm nrog cov tub tshaj Ntuj Lus Online nyob Is Ntias hais tias : “Nws cia siab tias yuav tau kawm kom paub Technical, Technology thiab lub tswv yim tshiab tshiab uas yuav pab txhawb nqa nws cov hauj lwm kom zoo tuaj. Ntawm Ntawm Gie Rhea Jadulco uas tuaj Fis Lis Pees teb tuaj, vam thiab cia siab ib yam uas yuav tau kawm txog lwm lub teb chaws. Nyob As Xias muaj kev siv Social Media thiab kev sib tham tau li cas thiab tsim phooj ywg nrog lwm tus neeg uas tuaj koom.
Mika Ellah L Tabada uas tuaj Fis Lis Pees teb tuaj ib yam, kuj tau hais txog qhov tseem ceeb hauv kev sib koom tes ntawm kev sib tawg hauv kab lis kev cai thiab kev ua hauj lwm fab digital nyob As Xias. Nws hais tias : “Tab txawm tias yog neeg As Xias ib yam, tsis kav peb kuj muaj kab lis kev cai siab txawv. Muaj platform sib txawv thiab kev ua hauj lwm sib txawv.”
Jennifer Odelia Meredith ntawm Is Ntos Nes Xias teb hais tias : ‘Nws vam thiab cia siab tias cov tuaj sib koom yuav tau sib pauv tswv yim hais txog kev xa xov thiab tsim cov hauj lwm Online nyob hauv nyias lub teb chaws. Dhau no lawm nws tseem hais txog qhov tseem ceeb ntawm kev sib pab thov Ntuj ua ke.” Tas lub caij sau siab cov neeg tuaj koom tau muaj feem cuam hauv kev sib tham, sib faib kev txawj ntse thiab sib pauv tswv yim uas yog hais txog kev tshaj lub Moo Zoo nyob hauv digital, kev xa xov thiab kev sib koom tes ua ke. Kev sau siab yog pib nyob hauv lub thaj txi Ntuj ua Tswv Ntuj tsaug. Muaj cov sawv cev ntawm txhua lub teb chaws hnav lawv lub teb chaws cov khaub ncaws kom pom txog ntau yam sib txawv thiab kev sib koom ua ib tug nyob hauv lub Koom Txoos Kav Tos Liv As Xias. Txhib cov tuaj koom sau siab kom ua tus coj ib tsoom neeg mus cuag Leej Pleev. Hauv lub thaj txi Ntuj tos txais kev sau siab cov tub tshaj Ntuj Lus Online nyob As Xias thawj zaug.
Txiv Plig Felmar Fiel hais nyob hauv lub rooj sau siab thawj zaug nyob Fis Lis Pees teb tias : Cov tus tshaj Ntuj Lus Online tsis yog raug hu lawv los tsim lub hwj chim rau cov neeg nyob Online xwb, tab sis yog qhia kev kom neeg tig los cuag Leej Pleev. Hauv kev ua ib tug tub tshaj Ntuj Lus digital, peb puav leej raug hu kom qhia nyob hauv cov duab peb tso tawm ib yam. Nws hais cov lus no hauv lub thaj txi Ntuj tos txais hnub tim 10 lub 9 hlis hauv lub tsev teev Ntuj me hwm 3 tug Leej Ntshiab nyob hauv Radio Veritas Asia, hauv lub nroog Quezon City. Kev sau siab zaum no yog npaj nyob hauv lub ntsiab lus ‘ntawm cov muaj hwj chim, txoj kev ntawm kev muaj feem cuam hauv kev tshaj lub Moo Zoo Online nyob As Xias’, uas muaj cov tub xov xwm thiab cov muaj hwj chim hauv lub ntuj Online li ntawm 100 tawm leej nyob thoob As Xias teb tuaj sib sau ua ke. Txiv Plig Fiel uas nws yog tus saib RVA cov hauj lwm tau hais txog tus piv txwv ntawm ‘tus choj thiab tus tuam choj’. Kom tau qhia txog lub Koom Txoos cov hauj lwm nyob hauv xeev ntuj uas muaj ntau yam kab lis kev cai, ntau xeem lus thiab ntau yam kev ntseeg. Nws hais tias : “Peb yog Leej Pleev tug, peb yog peb tug thiab peb yog ib feem ntawm ib tsoom neeg tug.”
Nws piav tias : “Platform digital tuaj yeem ua tus choj tuam mus txog hauv tej chaw uas lub Koom Txoos mus tsis txog, tso tawm nyob hauv Social Media, kev tso Live thiab txhua yam uas siv digital puav leej yog lub sij hawm rau ib tsoom neeg tau hnov lub Moo Zoo.” Nws hais ntxiv tias : “Tej zaum qhov uas koj tso tawm yuav yog tus choj uas coj ib tus neeg twg mus cuag Leej Pleev.”
Thaum hais txog Paj Lug thawj tsab ntawv uas sau mus rau Kos Lis Nthos, mas Txiv Plig Fiel ua kom pom tias thawj pab neeg ntseeg muaj kev sib tawg thiab tsis sib haum xeeb heev kawg. Tab sis kuj tau txais kev ceeb toom tas mus li nyob hauv kev koom nrog Yes Xus. Nws hais tias tus piv txwv no phim yuav muab los siv ua txoj kev hauv cov hauj lwm Online zim txwv no. Cov tub xov xwm Kav Tos Liv tsis phim yuav ua vim lawv txoj kev ntse los yog ua kom neeg nyiam xwb, tab sis phim yuav ua nyob hauv kev nyiam kev hlub thiab tej kev xav uas xav tias lawv yog ib feem nyob hauv Leej Pleev. Txiv Plig Fiel xaus lus teeb lo lus nug cov tub tshaj Ntuj Lus Online tias : “Tej yam uas nej tso tawm puas yog tab tom qhia kev rau cov raws nej thiab yog taw mus rau qhov twg ? Yog peb taw rov los rau peb, mas peb yuav yog tus muaj hwj chim xwb. Tab sis yog lub neej, cov zaj, lub tswv yim thiab platform digital ntawm peb qhia kev rau ib tsoom neeg tig mus cuag Yes Xus, mas hnub ntawd peb yuav rais ua pov thawj tseeb tiag.” Kev sau siab tseem yuav ua ntxiv mus nyob RVA, mus txog hnub tim 13. Yog hais txog cov hauj lwm ntawm cov tub tshaj Ntuj Lus Online kev pab txhim kho lub Koom Txoos As Xias kom yog lub Cim ntawm lub Cheeb Koom Txoos thiab tau kev tshaj lub Moo Zoo ntau dua qub.
