Cov tub ntxhais hluas Kav Tos Liv nyob Yaas Nkoos ua hmoov tsuj xeeb Yes Xus yug los rau cov neeg laus

Cov tub ntxhais hluas Magis tau npaj ua cov hauj lwm mus saib xyuas cov neeg laus Kav Tos Liv nyob hauv lawv tsev, uas siv lub npe lub Caij Tos Huab Tais thiab tsuj xeeb Yes Xus yug los. Kom tau mloog, tau teev Ntuj ua ke thiab nrog cov neeg txawv hnub nyoog sib ntsib. Lawv txoj hauj lwm yog cov hauj lwm yooj yim tab sis tob kawg. Yog kev nyob ua ke pauj kev nyob twm zeej thiab qhia kev ntseeg hauv kev sib mloog. Yog kev ua tawm txog kev ntseeg ntawm lawv.

Kev pib ua cov hauj lwm no tau txais kev txhawb nqa los ntawm 4 tug ncej hauv lub Caij Tos Huas Tais thiab lub Caij Yes Xus Yug Los. Xws li kev sov siab, kev thaj yeeb, kev cia siab thiab kev nyiam kev hlub.

Txiv Plig Peter Quy SJ uas nws nrog cov tub ntxhais hluas Magis mus ua ke hais tias : “Cov hauj lwm no yog zoo li tus choj txuas nrog kev npaj fab ntsuj plig thiab kev ua hauj lwm nyob hauv lub 12 hlis. Cov tub ntxhais hluas tau mus saib cov neeg laus nyob hauv lawv tsev, kom tau ua tej yam lawv xav tau thiab yog ua raws ntawv Moo Zoo hauv kev saib xyuas cov neeg tsis muaj zog.”