Cov Tswv Qhia Zis Pees tawm tsam txog qhov rov qab ua tsov rog thiab kev siv tub rog nyob thoob ntiaj teb
Cov Tswv Qhia nyob Zis Pees teb txhawj xeeb txog qhov rov qab muaj tsov rog thiab kev siv tub rog nyob thoob ntiaj teb. Lawv ceeb toom txog kev phem rov qab los uas hais tias cuam tshuam tib neeg kev ncaj ncees, yog kev txuag tus kheej.
Kev sab laj ntawm cov Tswv Qhia Kav Tos Liv nyob Zis Pees teb, tau hais txog qhov uas ntsuj tsov rog ntiaj teb zaum ob tiaj tus los tau 80 xyoo. Thov kom cov neeg ntseeg Kav Tos Liv thiab cov muaj dej siab txhua tus; tshwj xeeb tshaj mas yog cov tub ntxhais hluas, kom lawv tuav kev thaj yeeb kom nyob ntev hauv kev ncaj ncees, kev nco ntsoov thiab kev txhim kho fab ntsuj plig.
Cov lus no raug tshaj tawm hnub tim 17 lub 6 hli no, uas yog siv lub npe “Kev mus ua ke hauv kev sib haum xeeb: kev ris kev cia siab.” Yog qhov qhia txog tsov rog thiab cov lub Koom Txoos cov hauj lwm hauv kev kho mob thiab kev sib haum xeeb.
Tib lub sij hawm ntawd, kuj txhawj xeeb txog kev rhuav tshem kev thaj yeeb nyob ntiaj teb thiab nyob hauv cov teb chaws zim txwv no. Txij Us Khas Zis Nas mus txog GAZA, txij Mias Mas mus txog Africa. Cov Tswv Qhia ntsia pom tias kev sib tawg los ntawm riam phom yog qhov tua neeg, ua rau neeg khiav ua thoj nam thiab rhuav tshem lub hauv paus kev ncaj ncees ntawm ib tsoom neeg. Lawv tu siab txog kev thaj yeeb raug ntxo tom qab tsov rog Zis Pees, uas hais tias kev siv nyiaj txiag rau tub rog txhab ntxiv.
