Cov Tswv Qhia As Xias yuav mus tsham lub qhov av ntawm kev phooj ywg nyob Jakarta, hauv lub caij uas FABC tab tom muaj lub rooj sab laj.
Muaj cov Tswv Qhia ntau pua leej nyob thoob As Xias teb teem caij yuav mus tsham lub qhov av ntawm kev phooj ywg thiab Islam lub tsev tev Ntuj Istaqlal nyob Jakarta. Yog ob lub Cim tseem ceeb tshaj ntawm kev nyob ua ke hauv cov kev teev hawm hauv lub teb chaws. Tom qab xaus lub thaj txi Ntuj nyob Jakarta, cov Tswv Qhia yuav chaws lub qhov av ntawm kev phooj ywg uas txuas nrog Islam lub tsev teev Ntuj loj tshaj nyob As Xias toob fab naj. Lub qhov av no qhib siv nyob hauv xyoo 2024 thiab rais ua lub Cim nyob ntiaj teb ntawm cov kev teev hawm kev sib haum xeeb thiab nyob ua ke yam kaj siab lug. Nasaruddin Umar uas nws yog tus pwm tsav ntawm kev teev hawm cov hauj lwm thiab yog tus thawj coj ntawm lub tsev teev Ntuj Istaqlal nyob Is Ntos Nes Xias teb hais tias : “Kev tsham zaum no yog lub sij hawm ua kom pom tias cov neeg Is Ntos Nes Xias ua lub neej zoo li cas hauv kev sib tham thiab kev sib hwm.” Nws hais ntxiv tias : “Is Ntos Nes Xias muaj peev nyiaj txiag ruaj khov hauv zej zog los txhawb nqa kev sib haum xeeb. Kev sib tawg tsis qhov tav kev, tab sis yog qhov ruaj khov uas ua kom peb tuaj yeem tsim tau kev thaj yeeb ua ke.” Tswv Qhia Subianto Bunyamin tus thawj tswj cov Tswv Qhia Is Ntos Nes Xias hais meej tias : 110 tus Tswv Qhia As Xias nrog rau cov sawv cev hauv txhua xeev ntuj, yuav raug tos txais raws kev cai nyob hauv lub tsev teev Ntuj.
Tswv Qhia Suharyo nyob Jakarta hais tias : “Kev tsham zaum no ua kom pom txog lub ntsiab lus hauv lub rooj sab laj meej kawg. Thov kom muaj kev pauv ntxeev hauv lub pwm tsav, thiab cov hauj lwm ua tus choj thiab ua tus tuam choj nyob As Xias.”
Peb yuav tau pom txhua yam loj dua hauv kev sib ntsib nrog cov neeg muaj kev teev hawm thiab kab lis kev cai sib txawv. Tswv Qhia Suharyo hais ntxiv tias :
“Lub qhov av ntawm kev phooj ywg no, yog lub Cim uas xav kom Is Ntos Nes Xias teb nyob ua ke sib haum xeeb hauv ntau yam kab lis kev cai sib txawv.”
