Cov Tswv Qhia As Xias sib sau sab laj nyob Thaib teb, kom pom txog kev sib koom teev Ntuj ua ke.
Kev sib sau sab laj ntawm cov Tswv Qhia As Xias los yog FABC nyob Thaib teb, yog qhov ua kom pom txog kev sab laj ntawm cov Tswv Qhia, cov thawj coj hauv lub Koom Txoos thiab cov tub txawg tub ntse nyob thoob As Xias. Lawv sib sau nyob hauv Phu Waan lub tsev qhuab qhia, hauv lub nroog Sampran nyob Thaib teb. Kom cov Tswv Qhia tau sib tham ua ke ib lis piam, txij hnub tim 22 txog 26 lub 9 hlis 2025 no.
Lub rooj sab laj muaj lub ntsiab lus “kev tig los yuav lub siab tshiab hauv kev sib raug zoo, cov txheej txheem thiab lub luag hauj lwm.” Vam tias yuav txhawb nqa kev nkag siab thiab kev ua hauj lawm ntawm lub Koom Txoos hais txog kev sab laj cov Tswv Qhia As Xias kom zoo tuaj. Coj cov Tswv Qhia Liab, cov Tswv Qhia, cov Txiv Plig, cov thawj coj hauv kev ntseeg thiab cov neeg ntseeg uas muaj feem cuam, hauv kev mus kev ntawm cov Tswv Qhia lub rooj sab laj uas yog Vaj Qhia Fas Ntshis Kus ua tus pib tuaj sib sau ua ke. Nyob hauv txhua hnub yuav muaj kev teev Ntuj, kev rov xav txog tus kheej thiab kev sib tham hauv fab ntsuj plig. Kom muaj kev cia siab tias tus cag ntawm kev sib tham yog nyob hauv kev rov xav txog thiab kev muaj feem cuam.
Dhau ntawm kev sib tham no, lub Koom Txoos As Xias tseem txhawb nqa kev ruaj khov rau kev mus kev hauv cov Tswv Qhia lub rooj sab laj. Vam tias yuav muaj kev txhawb nqa hauv kev muaj feem cuam, kev lees txais thiab kev sib koom tes ntau dua qub. Yog ua los rau kev qhia kev ntseeg uas tseeb tiag nyob hauv xeev ntuj.
