Cov Tswv Qhia Thaib pib ua cov hauj lwm hauv lub sab laj Synodality mus txog xyoo 2028
Lub pwm tsav Tswv Qhia nyob Thaib los yog CBCT, tau pib kauj ruam tseem ceeb hauv kev lees txais cov hauj lwm synodality. Uas yog kho kev qhia kev ntseeg kom haum rau kev ua hauj lwm synodality ntawm cov Tswv Qhia.
Lub hauv xyoo tag los Vas Tis Kas tau tshaj txoj cai hauv kev ua hauj lwm synodality ntawm cov Tswv Qhia. Uas yog kev sib koom tes ua hauj lwm, kom tau pab lub Koom Txoos thiab zej zog nyob thoob ntiaj teb. Yog kev sib koom tes hauv tus yam ntxwv synodality. Txoj cai no tau qhia txog lub hom phiaj ntawm tus txheej txheem no, uas yog teeb tseg rau cov Tswv Qhia hauv lub Cheeb Koom Txoos. Pab neeg Synodality thiab Koom Txoos lub Koom Haum thiab qhia txog tus txheej txheem, xws li kev tawm tswv yim ua ke kom tau ua lub zog txhawb lub rooj sab laj nyob Los Mas hauv lub 10 hli 2028 kom tiav.
Nyob Thaib teb, CBCT tau pib muab siab rau hauv kev sab laj ntawm cov teb chaws hauv lub 8 hli. Muaj cov tuaj koom uas yog cov Tswv Qhia nyob hauv 11 lub Cheeb Koom Txoos, thiab cov thawj coj ntawm 4 lub Cheeb Koom Txoos uas yog tus ncej. Txiv Plig Suwat LuangSaard tau hais txog kev ua hauj lwm hauv synodality xyoo 2025 txog 2028. Nws txhib txog kev cheem tsum hauv kev txhais tej ntaub ntawv xaus txog qhov tseeb uas tau txais. Vim nws yuav pab txhawb nqa lub Koom Txoos lub neej hauv niaj hnub.
