Cov Tswv Qhia Kos Lim vam tias cov tub ntxhais hluas hnub nyob ntiaj teb, nyob hauv lub tuam ceeb Xes Us uas tab tom yuav los txog no, yuav yog qhov pib ntawm kev daws tso, kev thaj yeeb thiab kev sib haum xeeb
Cov lus hais nyob hauv hnub hwm Niam Mab Liab nce mus saum ntuj, uas yog hnub tim 15 lub 8 hli txhua txhua xyoo.
Tswv Qhia Chung Soon-taick uas nyob Xes Us hais tias : tsoom tub ntxhais hluas tab tom coj kev nyob hauv lub Koom Txoos txoj cai Synodality, ces thov kom muaj kev sib koom siab sib koom tes tiag tiag. Hnub tim 15 kuj yog hnub Kos Lim teb raug daws tso los ntawm tseem hwv Zis Pees teb xyoo 1948. Txij xyoo ntawd los Kos Lim teb thiaj tau nyob twj lij ua ib lub teb chaws tsis zwm rau Zis Pees.
Nws ncaj rau zaj no thiab, ces Tswv Qhia Chung Soon-taick thiaj xav tias : kev mloog lus yog lub cim ua piv txwv ntawm Niam Mab Liab. Yog txoj kev yuav coj mus cuag kev thaj yeeb thiab sib haum xeeb. Hnub tim 28 lub 7 hli dhau los, lub Cheeb Koom Txoos Xes Us tab meeg hais txog cov tub ntxhais hluas hnub nyob ntiaj teb xyoo 2027. Yog kev npaj siab sib sau ntawm cov tub ntxhais hluas uas coob tshaj nyob thoob ntiaj teb.
