Cov Tswv Qhia Khas Phus Chas thov kom cov neeg ntseeg yoog raws kev ncaj ncees ntawm Leej Ntshiab Carlo Acutis
Tswv Qhia Olivier Schmitthaeusler uas yog tus Tswv Qhia nyob Phnom Penh, Thov kom cov neeg ntseeg Kav Tos Liv nyob Khas Phus Chas yoog raws Leej Ntshiab Carlo Acutis txoj kev ntseeg thiab kev ncaj ncees.
Hauv kev ua hmoov tsuj xeeb txwm 60 xyoo lub tsev teev Ntuj hwm Leej Ntshiab Mis Kas Ees, nyob Sihanoukville lub hlis tag los no.
Cov kab ke no yog kev tsuj xeeb lub thaj txi Ntuj tshiab uas muaj Leej Ntshiab Carlo Acutis cov pob txha cog nyob hauv. Yog qhia txog kev ntseeg ntawm lub Cim Yug thiab yog lub Cim txhawb fab ntsuj plig ntawm cov ntseeg nyob hauv zej zog, raws li tus Tswv Qhia nyob Phnom Penh cov lus hais. Kev tsuj xeeb no ua rau cov neeg ntseeg coob leej nco txog qhov tseem ceeb ntawm lub Cim Yug nyob hauv lawv lub neej ua neeg ntseeg. “Lub Cim Yug yog lub hauv paus thiab yog qhov kawg ntawm peb lub neej.” Tswv Qhia Schmitthaeusler hais nyob hauv nws cov lus nthuav ntawv Moo Zoo. Nws thov kom cov neeg ntseeg xav txog tus tub hluas Is Tas Lias no lub neej, uas nws tau tuag xyoo 2006. Thiab nws raug tsa ua Leej Ntshiab xyoo 2020.
