Cov thawj coj lub Koom Txoos nyob thoob ntiaj teb, thov kom cov Tswv Qhia As Xias tuam choj txuas nrog kev sib raug zoo nyob hauv Synodality.
As Xias nrab, nyob Os Xes As Nias, nyob As Mes Lis Kas thiab tas cov thawj coj lub
Koom Txoos nyob thoob ntiaj teb, tau tuaj koom FABC lub rooj sab laj loj zaum tim 12.
Lawv cia siab tias kev mus kev ntawm lub Koom Txoos hauv lub rooj sab laj
Synodality, yuav coj kev sib haum xeeb mus rau lub ntiaj teb uas muaj kev sib tawg
heev zuj zus.
Cov thawj coj lub Koom Txoos nyob Vas Tis Kas, nyob Africa, nyob Aws Los Pas, nyob
As Xias Nrab, nyob Os Xes As Nias, nyob As Mes Lis Kas thiab tas cov thawj coj lub
Koom Txoos nyob thoob ntiaj teb, tau thov kom lub Koom Txoos muab lub rooj sab laj
Synodality cov lus ua qhov tseem ceeb hauv lub neej. Tswv Qhia Mario Grech tus
sawv cev ntawm Vas Tis Kas hais tias : “Lub Koom Txoos yuav xav tias Leej Ntuj Plig
Ntshiab tab tom hais dab tsi rau lub Koom Txoos hauv kev pauv ntxeev, uas thov kom
muaj kev sib koom siab thiab muab siab rau hauv kev tshaj lub Moo Zoo.”
Cov cev lus ntawm Africa, As Xias nrab, Os Xes As Nias, Aws Los Pas thiab As Mes Lis
Kas puav leej pom zoo txog lo lus thov no. Lawv hais tias lub rooj sab laj Synodality
yog txoj kev mus txog kev sib tham, kev sib haum xeeb thiab kev tshaj lub Moo Zoo ua
ke. Lawv kuj hais txog tej kev txhawj xeeb, xws li kev pluag txom nyem, kev tsiv teb
tsaws chaw, kev sib tawg, kev tsis sib luag, huab cua pauv ntxeev thiab kev tsis sib
haum xeeb uas muaj heev zuj zus. Thiab lawv zoo siab yuav txhawb nqa kom muaj kev
sib koom siab ntau dua qub nyob hauv cov tsev teev Ntuj.
Jung Eun Grace Moon tus sawv cev lub pwm tsav neeg ntseeg nyob As Xias, qhuas
txog FABC kev muab siab rau tsa lub rooj sab laj Synodality hauv kev ua tus ntsuj
plig ntawm kev thov Ntuj, kev mloog thiab kev rov xav txog. Nws hais tias : “Tej kev
paub ntawm As Xias yog qhov tseem ceeb rau lub Koom Txoos nyob thoob ntiaj teb.”
Cov sawv cev tseem txhib tias kev sib luag ntawm lub Koom Txoos yuav tiav nyob hauv
ntau yam kab lis kev cai sib txawv, thiab ua kom cov neeg ntseeg ua tus tuam choj
nyob hauv lub ntuj uas muaj kev sib tawg heev zuj zus. Lawv tej lus hais yog qhia txog
lub ntsiab ntawm lub rooj sab laj, zaj hais txog kev pauv ntxeev hauv Synodality thiab
kev tuam choj. Lawv hais tias As Xias tej kev paub hauv kev sib tham thiab kev sib kom
siab, yog qhov paj tshab rau lub Koom Txoos nyob thoob ntiaj teb.
