Cov Phus Thas thiab cov ntseeg sib sau nyob Khas Phus Chas teb kom tau txhawb nqa kev thaj yeeb nyob ntiaj teb

Txij hnub tim 26 txog 29 lub 5 hlis 2025, cov thawj coj hauv kev teev hawm, cov kws txawj ntse thiab cov neeg tsim kev thaj yeeb nyob thoob ntiaj teb. Lawv sib sau nyob hauv lub tuam ceeb Phnom Penh, kom tau sab laj txog kev ua hauj lwm ua ke ntawm cov Phus Thas thiab cov neeg ntseeg zaum tim 8, uas muaj lub ntsiab lus li no : “Cov Phus Thas thiab cov ntseeg ua hauj lwm ua ke, kom tsim kev thaj yeeb nyob hauv kev sib haum xeeb thiab ruaj khov” nyob Phnom Penh, Khas Phus Chas teb.

Lub rooj sab laj no yog lub Koom Txoos Kav Tos Liv nyob Khas Phus Chas thiab Dicastery for Interreligious Dialogue Vas Tis Kas sib sau ua ke. Yog ua raws kev sib koom hauv fab ntsuj plig Nostra Aetate 1965. Vim xav tias kev teev hawm Phus Thas yog txoj kev mus txog kev daws tso tiag.   

Kev sab laj no kuj tsa nyob hauv ntau lub teb chaws, xws li Is Ntias teb, Zis Pees teb, Is Tas Lias teb thiab Thaib teb. Zaum kawg nkaus no yog tsa nyob hauv xyoo 2023, nyob tuam ceeb Bangkok. Yog hais txog txuag kev ncaj ncees, kev khuv leej thiab kev sib nyiam sib hlub. Kev sab laj nyob hauv xyoo no, yog hais txog txhua yam nyob thoob ntiaj teb, xws li kev ua phem, kev sib tawg hauv zej zog thiab yam muaj txoj sia. Txhib txog qhov tseem ceeb ntawm cov Phus Thas thiab cov neeg ntseeg. Xws li kev sib pom dej siab, kev ncaj ncees thiab kev nyiam kev hlub. Tej yam no nws tuaj yeem pab kom cov zej zog muaj zog thiab txhawb nqa tib neeg lub meej mom tau li cas.

Txij thaum lub Koom Txoos Kav Tos Liv nyob Khas Phus Chas tau rov qab nrog Vas Tis Kas ua phooj ywg xyoo 1994 los. Lub Koom Txoos Kav Tos Liv nyob Khas Phus Chas tseem ceeb kawg hauv kev txhawb nqa kev sib koom tes nrog cov Phus Thas, feem ntau yog muab siab rau sib pab hauv fab kev kawm, tib neeg kev ncaj ncees thiab tsim kev thaj yeeb.