Cov neeg ntseeg nyob Pas Kis Taas ntau pua leej sib koom ua thaj txi Ntuj nyob ntawm lub tsev teev Ntuj uas raug kub hnyiab tas, tom qab raug neeg hlawv
Tom qab 4 hnub uas cov Islamist tau hlawv ib lub tsev teev Ntuj nyob hauv lub nroog Jaranwala uas nyob Pas Kis Taas teb. Muaj cov neeg ntseeg 700 tawm leej sib sau ua hmoov tsuj xeeb nyob ntawm qhov chaw lub tsev teev Ntuj hwm Leej Ntshiab Paj Lug kub hnyiab hnub tim 20 lub 8 hli tag los.
Txawm tias muaj kev piam sij thiab kev ntshai ntawm cov neeg ntseeg uas lawv xav tias tsam rov muaj kev kub ntxhov dua, tsis kav kuj muaj cov neeg ntseeg ntau pua leej mus txais lub Cim Yug. Cov Islamist tau hlawv cov tsev teev Ntuj 30 tawm lub thiab tsoom pej xeem tej vaj tse li ntawm 800 lub. Cov neeg ntseeg feem coob lawv tu siab thiab quaj thaum lawv ua thaj txi Ntuj. Muaj ib tug thawj coj cov neeg ntseeg hais rau ACN uas yog pab neeg pab daws kev txom nyem ntawm Kav Tos Liv tias :
Hnub tim 16 lub 8 hli tag los, cov Mawv Xis Lim qee leej nyob hauv ntau pua leej tau tsim kev kub ntxhov rau cov neeg ntseeg nyob hauv lub nroog Jaranwal, lub xeev Punjab uas nyob Pas Kis Taas toob fab naj.
Cov neeg tiv cov neeg ntseeg tau ua tej yam txaus ntshai kawg, tom qab 2 tug neeg ntseeg raug liam tias nkawd thuam Quran thiab thuam kev teev hawm Islam. Kev tsis hwm Quran mas yog kev ntxeev siab thiab raug lub txim kaw nkuaj tag ib sim neej nyob Pas Kis Taas teb. Ua ntej cov xwm txheej no yuav raug cov tub ceev xwm soj ntsuam, mas muaj cov Mawv Xis Lim uas luag hu ua “Tehreek-e-Labbai” tsim kev kub ntxhov nyob thoob hauv cov neeg ntseeg.
Maria Lozano tus thawj coj ntawm rooj ntawv xov xwm CAN hais tias : muaj cov neeg pom tej xwm txheej ntawd thiab lawv hais tias :
“Muaj lub suab nrov ntawm lub paj taub nyob hauv lub tsev teev hawm Mawv Xis Lim tias, thov kom cov Mawv Xis Lim nyob hauv zej zog tawm mus tua cov neeg ntseeg”.
Tab sis muaj tej tus neeg Mawv Xis Lim uas lawv txawj hlub neeg, lawv nyiag mus hais qhia cov neeg ntseeg, ces cov neeg ntseeg feem coob khiav tawm hauv lawv tej vaj tse thiab hauv tsev teev Ntuj mus lawm. Tab txawm muaj kev hlawv vaj tse thiab hlawv tsev teev Ntuj, tab sis tsis tau hnov tshaj tias cov neeg ntseeg tuag tsawg leej los ntawm Lozano.
