Cov Kav Tos Liv Nyab Laj pib nyob hauv xyoo 2026, yog kev tawm rooj fiv ntuj ua lub meej mom rau cov neeg tuag nyob So Kien
Cov Kav Tos Liv Nyab Laj nyob qaum teb tau pib xyoo 2026, yog lawv txoj kev ntseeg ruaj khov rau cov neeg Nyab Laj uas raug tua tuag. Tom qab kev tawm rooj fiv ntuj ntawm lub Cheeb Koom Txoos So Kien thiab muab cov neeg Nyab Laj uas raug tua tuag nyob Fab Kis teb cov pob txha thauj rov qab los rau Nyab Laj teb tsis ntev los no. Hnub tim 2 lub 1 hlis no, lub Cheeb Koom Txoos Thanh Oai tau tsa kev tawm rooj fiv ntuj los sam hwm lub meej mom rau cov neeg tuag Nyab Laj, nyob hauv lub yeej tawm rooj fiv ntuj nyob So Kien. Muaj cov Txiv Plig, cov Leej Phauj thiab cov neeg ntseeg tuaj sib koom ua ke, kom tau teev Ntuj, rov xav txog thiab tsuj xeeb lub Cim Yug. Raws li lub Cheeb Koom Txoos Hanoi tej ntaub ntawv, mas kev tawm rooj fiv ntuj no tau caw cov neeg Kav Tos Liv kom rov nco txog kev ua pov thawj ntawm cov neeg tuag. Thiab ua lub neej raws cov neeg tuag txoj kev ntseeg hauv kev muab tus kheej thiab kev ncaj ncees hauv niaj hnub. Cov neeg tawm rooj tau mus saib tej cuab yeej qub qub hauv liv xwm hais txog cov neeg raug tua thiab tej yam uas muab los tsim txom cov neeg tuag. Ua rau lawv rov xav txog cov neeg raug tua tuag, vim lub Moo Zoo.
